外置電池（即「尿袋」）離奇着火自燃的事故，在近來時有發生，且有不少人會出 post 自貼該尿袋的「屍骸」為何，讓大家得以警惕。最近都有 Threads 網友出 post，分享自己尿袋離奇着火自燃的經過，甚至提到女友被事故嚇親：「而家對尿袋有創傷後遺症」。
即刻按此，用 App 睇更多產品開箱影片
外置電池離奇着火自燃勁驚
最近有 Threads 網友出 post，分享自己外置電池離奇着火自燃的經過。當時樓主正在打機，聽到女朋友大叫後就回到看到「尿袋着晒火」，於是立即用枕頭拍熄火種，但最後此外置電池都是「爆開，燒到得返呢個樣」，並且提醒大家「認到個牌子嘅自己小心啲，最好抌咗佢穩陣」。 隨段樓主回應網民留言時，也再詳細說明事發情況，「佢係個尿袋爆，嗰吓除左尿袋冇插其他野，隔嚟係 switch 個插頭但冇用緊。啲線得 2 條 iPhone 線，同叉緊尿袋個 type C。電話一部喺電腦檯，因為我打緊機放咗面前，我女朋友用電話睇緊片都冇差緊電…仲要唔係平時燒着果種好溫柔嘅火，佢係炮仗點着嘅樣但係火嚟，滋滋聲噴到勁高」。
鬧爆樓主充電 setting 危險＋提醒正確處理方法
從樓主的影片可見，其充電 setting 是放在床上，是故有網友責罵樓主充電 setting 是十分危險，「任何要充電既產品，唔好放係床上，枕頭上，被上面，一堆衫上面，因為會不停積熱，可以熱到 60 度以上，充電時個產品背後最好有散熱空間」、「咁多電器係張床，啲電線插埋一齊，都好難唔起火喎」，以及希望「世界少啲一個拖板插成抽電掣，兼放會熱嘅嘢在布質嘢上嘅人......」。另外，樓主也提自己是「用枕頭拍熄火種」，所以都有多個留言提及尿袋着火自燃是應「搵嘢夾個充電器入一盆水」來處理，原因是「鋰電一但有反應着火，正常你手頭上係無嘢可以將佢救熄到，即使滅火筒都係唔 work」。
關注肇事產品品牌及型號
當然，另有不少網民關注肇事產品品牌及型號，亦提「前排有個女仔個尿袋係小巴着火，同呢個差唔多樣，但佢嗰個係白色」，但遺憾地樓主表示不知道：「所以淨係比到圖」、「燒到得返咁多」。
【熱門報道】
【精選消息】
Source: Threads