現時各位 iPhone 用家，相信有設定 Face ID 來用，以便更快捷地解鎖智能手機，又或者用 Apple Pay 付款或登入不同網上 account。不過最近有網民在 Threads 出 post 提到，自己買了 Apple iPhone 17 set up Face ID 來用時就是做漏了 1 件事，令手機如今慘遭鎖機進入 lost mode 遺失模式，有手機在手都不能使用。
即刻按此，用 App 睇更多產品開箱影片
網民 iPhone 17 現慘遭鎖機
最近有網民在 Threads 出 post，來個都算是警世的分享，就是提到自己買了 Apple iPhone 17 set up Face ID 來用時，因為只為化妝後的臉容設定 Face ID，但素顏的臉容就沒有 set Face ID，所以導致「而家部手機開咗 lost mode，unlock 時要用到 passcode 同 Face ID，所以完全用唔到部手機」。有網民留言表示可以在設定部分「set 2 個樣」來解決以上問題，但樓主回應指「手機要認到第一個樣先加得」，因此現在的她是手持一部廢機，不知怎算好。
↓點擊圖片放大↓
連子華神語錄都解釋不到這現象？
網友的留言除提供建議解決辦法外，其實有更多的留言是好奇想知樓主的化妝是否真正的化妝，會否好似黃子華 2006 年構篤笑《兒童不宜》所言：「你落咗妝我仲認得你，就叫做化妝，你落咗妝我唔認得你，嗰啲叫做喬裝」。不過樓主強調自己是化妝、無僭建，亦無加 double 鼻樑，但 Face ID 就是辨認不到。此外，另有網友都提及跟樓主類似的經歷，同樣是用 iPhone 17，但就是「素顏嗰陣 set up Face ID 跟住之後化妝出街要 unlock 部機嘅時候，佢唔認得我」。
↓點擊圖片放大↓
【熱門報道】
【精選消息】
Source: Threads