深圳華強北的電子產品之多，基本上大家想得出的東西都可以在這裡買到，而那裡甚至是全球不少 gadgets 賊贓的集中地，不見裝置的話很大機會是「華強北見」。最近有網友在 Threads 出 post 分享，因為「耳機壞咗但未揀好買咩牌子」，所以「叫爸爸喺華強北求其執個俾我先」，但最終樓主得到的耳機竟是超似 AirPods 款式，甚至有懷疑爸爸是買了賊贓。
即刻按此，用 App 睇更多產品開箱影片
網友出 Post 分享「叫爸爸華強北求其買耳機」
有網友在 Threads 出 post 分享，因為自己耳機壞掉，但未想定買甚麼品牌的新耳機，於是「叫爸爸喺華強北求其執個」給自己用。怎料樓主收到的耳機款式不只勁似 AirPods，甚至是「咩都冇 set 就有曬呢啲嘢」，即是大家看到的以下數張耳機設定截圖，「仲要音質都 ok」，對現在的盜版 AirPods 可以做得這麼 pro 而感到驚訝。不只如此，樓主更因為看到有 coverage expire date 是 2026 年 10 月 25 日，表示「用真 serial no. 然後假貨，唔係真係賊贓啊嘛」，似是有點擔心。
網民推斷是賊贓定假貨？
有部分網民看到這個 post 後，同樣懷疑樓主的爸爸是買了賊贓，「似係啲人偷返嚟去賣」、「唔出奇，全世界大部份賊贓最後都係去華強北」、「師兄我想講其實華強北啲 A 貨耳機係要 down app 先可以 connect 到 iPhone 去用，所以我覺得你呢部真係似失物」。之不過，更多的網民推斷這耳機是假貨，因為「有得畀你 set 唔代表真係用到某啲功能，只係扮出嚟」、「正版係耳機到有細字，有 L/R 字眼」、「你响度睇到保養，因為佢係偷左個 serial number 然後大量生產同一序號耳機，所以有問題你返 Apple 一 check 佢就會知呢個係假貨，因為一 scan 就會有九萬幾個 result，唔會有 support」，以及有真貨用家表示「原裝嘅有寫㗎，因為我用緊，一出個時響Apple Store 買，但佢版本號碼唔岩，應該係假貨」。此外，有網民好奇樓主的耳機買了多少錢，他回應為「70」，估計應是以人民幣為單位，即約 HK$79.2。
【熱門報道】
【精選消息】
Source: Threads