都市傳聞有提，每逢農曆新年各屋苑或大廈保安就會特別勤力工作，例如主動為業戶開門，又或者笑口常開常打招呼，說盡一切祝福說話，以便可以瘋狂收利是「賺返少少 bonus」。有網友在 Threads 出 post 提到，聽到自己的大廈保安未到新正頭，就熱烈討論今年會收多少金額的利是，直言如業戶封這個金額的話「真係唔怕面懵」！弄得樓主「聽咗之後心裡有啲唔舒服」，並忐忑應否「為咗面子要加碼」。
即刻按此，用 App 睇更多產品開箱影片
大廈保安熱烈討論新年利是金額
有網友在 Threads 出 post 提到，聽到自己的大廈保安未到新年正日，就熱烈討論今年會收多少金額的利是，「其中一個講，而家樣樣都貴，會唔會有人俾『利是』，仍然係 HK$20一封」，之後更講「畀利是的人真係唔怕面懵」！樓主聽罷後「心裡有啲唔舒服」，提及「打算給普通人（不是親人）都係 HK$20」，並忐忑應否「為咗面子要加碼」？
網民直言「嫌少就唔好收」
對於樓主聽到的保安員對話內容，有網民直言「唔同錢作對嫌少就唔好收 」、「既然 HK$20 係會面懵，咁可以慳返啦仲好」、「聽到啲人咁講嘢，HK$20 都慳返」、「你可以唔洗派俾佢，要就要，唔要就算，HK$20 唔係錢嚟嘅」，亦有網民認為「利是係心意邊度有公價」，「淨係派平時開門同打招呼果啲其他扮晒嘢唔派」、「呢啲人就唔使畀啦，就算你派 200 佢都唔會知足」、「我會特別地唔畀佢哋兩個」。
公共屋邨、馬會有收利是規定
說來今年有公共屋邨，以及香港賽馬會都有職員收取利是的規定，例如早前網上流傳南區田灣邨物業服務辦事處張貼的通告，提醒住戶勿向保安員、清潔工人及辦事處職員派利是或送禮；馬會方面的規定是容許員工於 2 月 17 日至 3 月 3 日（年初一至十五）期間收取利是，但不得主動索取，且利是金額如多於 HK$500 或 500 人民幣（約 HK$566）的話就必須申報，並將超出之款項撥捐至「農曆新年歲賞基金」。
【熱門報道】
【精選消息】
Source: Threads