每逢農曆新年，不少人除會派利是予親朋好友及工作夥伴外，也會派利是給自己所住的大廈管理員，求個好意頭。不過在踏入年初一不久，已有網友在 Threads 出 post 表示派錯利是予管理員，並問大家可以怎算好？
即刻按此，用 App 睇更多產品開箱影片
新年派錯 XXX 元利是予保安
這位網友在 Threads 出 post 提到，在昨日（17 日）年初一本將給予家人的利是誤給管理員，但當中實為 HK$500 的大利是，因此想求問一眾網民可以怎樣做，並提供兩個選項，包括：「a）去同管理員講畀錯咗，畀另一封利是畀佢，以及 b）大方啲，畀都畀咗」。
普遍留言選 b）？
觀望一眾留言，似乎多數網友是選「 b）大方啲，畀都畀咗」，「你要諗派得出去就自然賺得返，開心錢嚟」、「既然畀錯咗利是，就當係做慈善捐款，遲啲佢會返返你身邊」、「梗係 B 啦，仲問人攞返咁X，同埋又唔係次次畀錯，咁都特登上嚟問，咁 X 寒酸」、「問人換返仲尷尬」、「唔錯都錯咗，當畀人嘅祝福同令人開心」、「咁樣收返起碼衰 3 年」。不過，亦不少網民認為不要怕尷尬，應問管理員換回利是，「唔係錢嘅問題，而係家人畀嘅利是畀咗其他人，感覺冇咁舒服」、「同佢講畀錯吉」、「如果唔熟的會 a） 不過會俾返兩封佢，感覺好似多啲」。
原來有其他 Options？
除了樓主所提的 2 個選項外，有網友都留言分享其他方法來解決事件，例如「同佢講呢度係幾年利是錢嚟㗎喇」、「我會話，頭先俾錯細嘅利是，而家俾封大嘅你。成年辛苦晒」，以及從中得知有物管業界對新年收到的利是有特定處理方法：「有親戚係做物業管理，佢話每年都有客派錯利是畀管理員，有啲麻煩客過後仲會投訴返管理員轉頭。所以佢哋公司有 SOP，如果收到大額利是會封存到正月十六，睇個客會唔會要求攞返。如果個客話派錯就畀返佢，過咗正月十五唔攞就自己袋。」，只是「如果攞返你亦要預咗佢哋會當笑料周圍吹水周圍講」。
【熱門報道】
【精選消息】
Source: Threads