雖然不少人會堅守至年十五以後才拆新年利是，務求將所有祝福集齊才開啟財運，但亦有眾多心急人想知自己在這期間賺得多少 bonus，所以會急着拆利是，而有網民在 Threads 出 post 表示在昨日（17 日，大年初一）已拆利是，發現內裡為近期流行，連透明膠殼的 Pokemon 卡。
即刻按此，用 App 睇更多產品開箱影片
收 Pokemon Card 利是想拆殼取卡
這位網民的 Threads 帖文是在昨日（17 日，大年初一）post 出來的，表示「收到封利是心諗點解硬嘅，原來係張膠殼裝嘅卡，幾得意。宜家唔知點拎入面張卡出嚟」。從圖可見，這張 Pokemon 卡的是編號 224 的比卡超，HP 值為 20，屬於雷系精靈。
↓點擊圖片放大↓
留言質疑樓主唔識貨
一眾網友看到樓主想拆去透明膠殼取出 Pokemon 卡，確是大感震驚，質疑樓主是否「唔識貨」，「唔好拆殼呀 bro！！！！！！」、「認真定搞笑？爆咗殼就一文不值」、「認真咩，拆殼？」，以及問道：「師兄係咪曲？我用張全新嘅同你換」。另外有網民認為樓主今年成功得到大利是，「想收依啲利是」、「嘩呢啲真正會升值嘅利是」，更指「呢封係大利是嚟！有殼同無殼差 2500 蚊㗎」，希望樓主不要做傻事。不知各位有玩或儲 Pokemon 卡的朋友，例如最新入坑的藝人張繼聰，會否想得到這封利是呢？
↓點擊圖片放大↓
【熱門報道】
【精選消息】
Source: Threads