近年不少人家居大門已轉用電子鎖，即使外出漏帶門匙都不用擔心「無門口入」，但最近有網友在 Threads 出的 post，就令大家知道電子鎖有問題起來都可以很麻煩，尤其是新年期間才遇上這情況，「老公人在出面去咗搵開鎖佬但新年流流好多師傅未開工，搵到有開工嘅師傅但就唔識開電子鎖」，更是慘遇雙重打擊。
即刻按此，用 App 睇更多產品開箱影片
新年壞電子鎖網民慘被困在家？
最近有網友在 Threads 出 post 分享新年期間壞電子鎖的不快事情，表示家中電子鎖突然壞掉，自己及小朋友被困在家，不論在室內及室外都開不到鎖，於是着在外面的丈夫幫忙找開鎖師傅解決事件，然而「新年流流好多師傅未開工，搵到有開工嘅師傅但就唔識開電子鎖」，且提「喺屋內試左好多方法都開唔到，換電、後備鎖匙試過晒」，於是只好求問網民可以怎樣解決。
網民提出多個解決建議
不少網民看到這個 post 後，雖然直指「呢個 post 將會影響電子鎖銷路，真係唔敢買」、「嘩，火燭點算」、「緊急情況咪走唔到」、「多隻香爐多隻鬼！電子嘢真係信唔過」，但都有多個留言提出不同解決建議，希望樓主可以早日走出困境，如「電子鎖都有個實體鎖匙可以開，你揾下條鎖匙開」、「十字螺絲批，見到四個角螺絲拆晒佢」，以及「右下發咗毛喎，你好耐無換電？你試下清潔下啲綠色嘢，乾布或者綿花棒捧乾淨，然後再 reset」等，亦有留言問：「有冇通知管理處？搵佢哋幫下手先，大型屋苑有工程部，佢哋師傅可能幫到手」，但樓主回應指：「問咗，佢哋話私人嘢唔插手」。
結局居然是這樣？
事件最後的結局，是樓主收到不少網民的意見及幫助，最終找到開鎖師傅幫助開鎖，「師傅話係中間條俐斷咗」，所以導致電子鎖失靈。其後有網民問及「個鎖咩牌子，警世下都好」，之後樓主就回覆：「KOCOM」，以及都提這個電子鎖已用了 10 多年，以同類產品而言算是耐用，只是「話壞就壞，少少病徵都唔畀我」。此外，另有網民問樓主之後是否再換回電子鎖來用，及後回覆換了「Samsung」！想不到樓主經歷了以上「電子鎖困局」，仍對電子鎖繼續投下信心一票。
【熱門報道】
【精選消息】
Source: Threads