Apple 今年正慶祝品牌成立 50 周年紀念，而這半世紀以來 Apple 確實推出了不少具前瞻性的電子產品，其中在 1993 年就推出可能是 iPad 雛型的 MessagePad PDA，為品牌替 Newton 平台開發的個人數碼助理。最近有 Threads 網友轉載網紅 Sabina 帶了這款產品來到 IFC Apple Store 求換電池的影片，並引來網民熱論，不知 IFC Apple Store 職員會怎樣處理呢？
即刻按此，用 App 睇更多產品開箱影片
網紅帶 3X 年前「iPad」到 IFC Apple Store 求換電池
近日網紅 Sabina 帶同可能是 Apple iPad 雛型的 MessagePad PDA，來到 IFC Apple Store 求換電池，並表示去年想在上海 Apple Store 更換，但最終失敗收場。接待 Sabina 的男職員得悉為 MessagePad PDA 的要求是十分驚訝，因為在這間 Apple Store 工作了近 12 年的他並沒見過產品真身。後來 Sabina 表示自己已有更換的電池在手，但就沒有工具可以更換，於是男職員就拿走產品並為其初步檢查。期間男職員也好奇 Sabina 是怎樣得到這產品，而她回覆指在淘寶購買的。
最終換電成功且收費竟為 X 元？
男職員初步檢查後，表示需帶其到 Genius Bar，讓工程師作更進一步的處理。大約 5 分鐘後，這部 MessagePad PDA 已交給 Sabina，且是成功換電池及試開機是 OK 的，且男職員都提及大家對這款產品都相當好奇。其後有另一女職員驚奇問及「係我哋出㗎」？男職員笑指：「梗係我哋嘅嘢啦，你未出生咁解咋」。最後 Sabina 問及這次換電是否收費，男職員指不用錢，之後她就連番道謝及帶同產品離開。
大讚香港 Apple Store 職員夠 Pro
雖然有網民提到男職員講英文遠比普通話流利，且笑指他是「Apple 界 Edan」，但就大讚其處理手法相當專業，以及其他香港 Apple Store 職員做事都是很有心，「香港 Apple Store 係好掂，感覺係成班係真心鍾意 Apple 嘅職員。上次插線叉唔到電搵佢哋換零件，報完價話畀佢拎入去搵同事度度睇下點搞，原來佢哋用盡方法撩乾淨個叉電口，出翻嚟話叉得翻電，無換過零件所以唔使錢，仲教埋點保養可以㩒用啲」、「完美演示香港人說到不懂說的普通話自動轉英文代替，中英混合，外表好似冷漠但其實好熱心，盡力幫忙，對自己工作專業積極」、「其實香港嘅服務唔係差，好專好有禮貌，不過部機係古董級，重 run 到好勁」。
彈拍片搏流量？
另有網民大彈 Sabina 今回拍片純粹搏流量，不值其所為，「做咩逼人講普通話」、「個鬼婆有英文唔講講普通話」、「好地地英文對答唔得，係要搞到雞同鴨講先安樂嘅」、「呢種 KOL 特別賤，人地正正常常番工，你攞個 cam 影人仲要玩突擊測驗」，並反問：「如果累到人哋冇咗份工係咪你負責」？
關於 MessagePad
Apple MessagePad 是 Apple 為 Newton 平台開發的一系列個人數位助理設備，於 1993 年面世，有部分電子工程和製造工作是交由 Sharp 在日本完成。規格方面主要具備基於 ARM 610 RISC 處理器，起用 Newton 作業系統，並配備手寫識別軟體，連電池重量為 640g。不過於 5 年後，MessagePad 已正式停差。除此以外，Apple 其後還開發並發布 eMate 300 Newton。
【熱門報道】
【精選消息】