LINKLIKE C-Flow 耳夾式藍牙耳機評測｜打Pickleball實戰「點fing都唔甩」抵玩價＄620開賣

開放式耳夾耳機近年席捲市場，各大品牌紛紛推出相關產品。今次 ezone.hk 評測全新登場的 LINKLIKE C-Flow 耳夾式藍牙耳機，更兼顧時尚設計、運動穩定性同全天候舒適度，小編在多方面逐一為大家拆解，睇清楚呢部主打「忘記耳機束縛」的潮物，係咪真係有料到。

外觀設計：潮流感遠超傳統耳機

LINKLIKE C-Flow 外觀設計係今次評測第一個驚喜。充電盒提供氧氣藍、岩橙色、鈦空灰三款配色選擇，色調清新而有個性，唔落入傳統耳機非黑即白的悶局；打開盒蓋，耳機本體提供金+白（氧氣藍/岩橙色充電盒）及黑+灰（鈦空灰充電盒），充電盒及耳機配色時尚。整體設計感令 C-Flow 戴上耳朵更像一件精緻配飾，日常街頭穿搭或運動休閒造型均可自然融入。

結構上採用極致小巧的「C-Flow」開口式設計，將耳機固定在耳廓邊緣而非塞入耳道，用家可以徹底免受入耳式耳機帶來的壓迫感，畢竟唔係人人啱戴。

佩戴穩定性：Pickleball 球場實戰「點 fing 都唔甩」

外觀靚唔係全部，代理商在發佈會中，特別安排 Pickleball 球場實戰測試，考驗 LINKLIKE C-Flow 的極限穩定性。Pickleball 涉及大量急速起步、急停、轉向及大幅揮拍動作，加上高溫流汗，係耳夾式耳機的終極考驗場景。

傳統耳夾式耳機常見兩大問題：夾得太緊，或夾得太鬆大動作時甩出。C-Flow 今次表現令人印象深刻，單邊僅 4.7g 的極致輕盈感，配合夾力調校恰到好處的設計，整場 Pickleball 實戰無論如何搖頭、跳躍、大動作揮拍，耳機均穩穩固定於耳廓，「點 fing 都唔甩」。防汗設計亦令大汗淋漓的運動環境完全無問題，耳廓全程無壓迫感，真正做到三全其美。

港鐵車廂內漏音及藍牙連線穩定性

戴住 LINKLIKE C-Flow 搭乘港鐵，測試開放式設計的漏音情況及藍牙連線穩定度。藍牙 6.0 技術在地鐵車廂繁複無線訊號環境下連線順暢，無明顯斷線。在正常聆聽音量下，鄰座乘客表示感覺唔到明顯漏音，開放式設計的私密度算是理想。

由於採用開口式設計，車廂廣播及站名廣播均清晰可聞，唔需要每站摘下耳機確認，係上班搭車的一大實用優勢，長途通勤連戴亦無耳廓痠痛問題。

↓點擊圖片放大↓

戶外通話降噪：銅鑼灣鬧市街頭 AI 通話降噪技術實測

LINKLIKE C-Flow 配備 AI 通話降噪系統，ezone.hk 在銅鑼灣鬧市街頭進行通話測試，環境包含車流、人聲、巴士引擎等城市噪音。同事反映人聲清晰，車道噪音被有效過濾，通話質素令人滿意。即使係在路邊強風環境下致電，對方依然能夠清晰聽到說話聲，實際效果超出預期。

音質：中規中矩　背景聆聽夠用但唔係主打

13mm 高動態驅動單元配合開口式腔體設計，聲音通透，適合日常背景音樂聆聽。不過坦白講，音質並非 C-Flow 的賣點所在，低頻量感一般，欠缺厚實感；人聲清晰度尚可，但細節解析及音場深度比同價位入耳式耳機明顯遜色。若主要用途係日常背景音樂、Podcast 或通話，表現屬合格水準；想認真聽歌，建議另作考慮。

↓點擊圖片放大↓

續航： 小時怪獸續航　一週唔使充電

LINKLIKE C-Flow 的續航表現係今次評測最令人驚喜的一環。單邊耳機單次可持續播放 10+ 小時，配搭充電盒最高播放時數達 78 小時。以每日平均使用 5 至 6 小時計算，充滿一次電可以用足整整用 2 週（單邊使用），徹底告別「電量焦慮」，特別適合經常忘記充電或需要出差旅行的用家。

規格速覽

值唔值得買？

✅ 買的理由：

• 充電盒氧氣藍 / 岩橙色 / 鈦空灰三色選擇，耳機金+白 / 黑+灰兩款，配搭日常穿搭或運動造型均自然融入
• 4.7g 超輕量，C-Flow 開口式設計全日配戴唔辣耳、無壓迫感
• Pickleball 球場實戰「點 fing 都唔甩」，防汗表現可靠
• 開放式設計兼顧環境警覺性，通勤、辦公室均實用
• AI 麥克風降噪，鬧市街頭通話清晰
• 78 小時超長總續航，一週唔使充電
• HK$620 性價比具競爭力

⚠️ 需要考慮的地方：

• 低頻表現不及入耳式耳機，追求強烈低音效果的用家需考慮
• 在極嘈雜環境下私密度不如入耳式，音量過大時仍有少許漏音
• 沒有消噪功能

Source：ezone.hk、LINKLIKE