假於你出身平平，甚至是寒微，會否很羨慕生活條件富足的家庭呢？早前，一位大學生在 facebook 專頁「名校 Secrets」發帖，卻有另一番說法。他表示自己父母皆為專業人士，大學一級榮譽畢業，弟弟讀書亦相當優秀，唯獨自己表現平平。樓主在過去的第一個學期，GPA 成績不過 3 分，便遭父母痛罵，令自己壓力近乎爆煲，更作出自殘行為。
今早在 facebook 專頁「名校 Secrets」，一名自稱是「三大」的大學生發帖，題為「點解我父母係 first hon?」，內文表示：「父母出身寒微，一直靠考第一攞獎學金同贊助讀書讀到大學攞一級榮譽，最後兩個都成功成為專業人士，收入穩定。」而弟弟成績亦算理想，家中唯獨樓主讀書平平，但其父親相信：「只要你有努力有比心機，就一定可以考第一。」然主樓主不能回應到父母的期望。
【網絡熱話】
【流動】
之後他憶述中五時的情況：「有次突然係學校發燒，老師都想趕我返歸休息，但當我打電話問老豆可唔可以返屋企休息個陣。」不料其父認為，他應該上完學才走，之後樓主不適暈倒進院。翌日父親前來探望時，竟然是帶了試卷及電腦，要他完成練習及功課。到最後放榜，樓主表示成績雖然不算太理想，只可以讀水抱科，但仍算是「三大」，但父母只會問：「你溫咗書未」、「睇咗文未」、「reading 有冇 jot notes」、「睇咗幾篇文」、「有冇印出嚟，比我檢查吓」等。
至第一學期出了成績，樓主GPA 成績不過 3 分，他表示：「我好記得個時老豆嘅眼神好似想殺咗我。」其父親對他說：「你知唔知對住你好辛苦啊，我命都要短幾年啊！開學咁多個月從來冇見過你讀書！」而其母則說：「抵你嘅。」
在旁人眼中，不少人都羨慕樓主，但他表示：「其實，作為一個不良品降生係一個咁優秀嘅家庭，我真係每時每刻都覺得人間失格。讀書讀到又失眠又甲狀腺腫脹又脫髮，都只不過係想父母可以同我講一句『辛苦你喇，你做得好好』啫。」之後樓主更出現各種爆煲徵狀：「而家我每晚唔用絞剪插自己手臂插到見血我都訓唔到，就算勉強訓到都會發惡夢，照鏡見到自己會覺得自己好噁心，會控制唔到自己暴食然後嘔晒出嚟。」
網友看到樓主訴苦後，不少人都十分同情，並指責其父母。「你太乖太服從喇！都讀 U 啦，嘗試脫離佢地魔掌啦！你嘅人生應該由你自己掌握。你身體搞壞左佢地唔會可憐你，只會覺得你蠢」、「現況唔能夠滿足晒所有人，第一樣要做嘅係滿足自己，全情投入做你真心鍾意嘅事，無論結果係點，起碼令自己開心咗，先有力面對其他人同事」、「樓主你可以堅持到今日已經好了不起，但根據你所講，你既身體已經多次向你發出警告」等。
Source：名校 Secrets