若是香港人，也許都知道尖沙咀有不少專劏遊客的「黑店」，本地人一般較少光顧。不過，人有時也會「發瘟」，日前一位巴打便在連登討論區，分享了自己買相機時的中伏經歷，表示：「我真係燒壞腦先喺尖沙咀買單反。」原本樓主打算買 Canon EOS 800D，卻被游說買了 EOS Kiss X8i，事後才知中伏買了舊型號。
【電腦】
【玩具模型】
樓主圖文並荗發帖表示：「新手，一直想買部 Canon 80D or 800D，喺尖沙咀岀口見到大大個 Canon，去格下價，800D 先賣 5000（港元），又約咗人趕時間就碌卡俾錢。個位店員就攞去我後面幫我裝落相機袋呢個時候，有另一個人黎 sell 其他我之前未聽過嘅型號嘅單反，叫 Canon Kiss x8i，之後喺咁踩 800D，因為手機冇電又約咗朋友就遲到既關係，於是相信人哋係真心推介就冇做 research，5000 加多二千幾換咗個個 Canon Kiss x8i 同加個 HD 既 Marco鏡。」
熟知相機的朋友，也許已猜到發生什麼事了，所謂「Kiss x8i」，其實日本採用的型號，在香港則稱為 750D，也就是該店員似乎有意誤導，讓樓主購買舊型號水貨。樓主表示：「返到屋企先覺得唔妥，上網查原來 x8i 咪即係 750D，15 年岀賣扣埋個 marco 鏡，點都唔值 7000 幾啦係咪啊？」之後樓主檢查單據，發現條款中，寫明「本公司所售賣貨品之價格根據公司之經營成本計算，本店以外之貨品售價與本店無關。」樓主續道：「好人好姐點會寫呢句，之後即刻上網查下呢間鋪頭，果然原來係黑店，好多大陸客岀 post 呻，即刻灰到爆。」
翌日樓主打電話要求退貨，「點知對方勁惡，然後我直情踩上門話要退，佢哋唔肯退，話可以七折回收，我梗係唔肯，搞到我話要報警先同我解決。」最後樓主簽上同意書，表示不會投訴或更換貨品，並另加 200 港元，才換回新出的 Kiss x9 (800D)。樓主留言補充：「應該全香港得我一個香港人會係呢間野買。」
不少網民看到樓主經歷後，都留言回應：「呢d光管店，轉呃遊客」、「警惕下其他同我一樣咁易信人加耳仔軟嘅人」、「香港人邊會去呢 D 舖買？唔好話香港人，大陸人都唔會去。係劏 D 鬼佬」、「唔怪得呢 d 舖仲有得生存」、「唔玩相機都知尖咀全部黑店啦」等。
Source：lihkg