不少公司為慰勞員工一年來的努力，也會大搞 Annual Dinner 一同食飯，當然還有最重要的抽獎環節！有網友最近在討論區中以「幫公司寫左個 Annual dinner 抽獎網頁，點知大獎抽中左自己」為題，大吐苦水話今次返公司都唔知點算。
話說樓主表示自己是最低層的 IT 員工，受公司所托要為 Annual Dinner 寫一個抽獎網頁出來，但殊不知當中的大獎竟然由自己抽中，你話無古怪先至奇啦！因此樓主就吐苦水表示真係解釋唔到，返工實畀人「問候」都得，還表示中獎之時，下面已經有幾圍檯起哄大叫，就連老闆握手頒獎後都話：「呢次真係千古奇案。」而最重要係樓主其實一早已經寫好辭職信，準備辭職唔撈，呢個做法真係愈描愈黑，兼水洗都唔洗！
【精選消息】
【精選消息】
一眾網民對於樓主的遭遇都覺得「花生」兼好笑，有的更留言：「除咗講恭喜之外，都唔知應該講乜嘢好！」也有網友戲言，搵定下一份工再幫公司寫返同一個抽獎系統，每年都自己拎大獎，夠和味！此外，也有網民力撐樓主，表示「大家機會一樣，點解唔中得」、「你自己係清白嘅，怕咩！」、「怕乜啊！係你抽到嘅就係你㗎啦！」
部分網民留言
懵懵撚：以後每年嘅 annual dinner 都要俾人 binc 了
狗性易發：搵定下一份工，再幫佢地公司寫返同一個抽獎系統，每一年不停咁loop大獎，幾和味
濛：水洗都唔清
太守自慰也：你自己係清白嘅，怕咩！對你有閒言閒語嘅，好志在個大獎嘅，都唔係啲咩君子
點詩卿：怕乜 X，又唔係做錯野
利能浦：大家機會一樣，點解唔中得
青山 IT 狗：都唔知好彩定唔好彩
SMAX155：如果寫 program 條友係唔中得獎嘅，下次咪叫你公司外判囉
一鳴驚人：都冇乜問題既，你都係員工之一
胡迪與加菲：咁樣比人懷疑真係好慘
Source：lihkg