九巴「月薪車長大聯盟」發起人葉蔚琳等 4 名車長於昨日（3 月 6 日）接獲九巴終止僱用通知，並於翌日（3 月 7 日）起生效，消息一出即引起全城熱話，認為「秋後算帳」、「九巴自製關公災難」的市民多的是。而於今晨（3 月 7 日），九巴暫緩解僱葉蔚琳 等 4 名車長的事件有新發展，就是九巴宣布暫緩解僱，讓他們取回工作證，上訴期間會照出糧，亦會盡快啟動覆檢機制。其後九巴更於 KMB 九巴專頁出 post 提到：「溝通係需要花時間嘅，而返工返學就需要趕時間嘅」，強調「城市要 Go On」的。
【精選消息】
【精選消息】
其實九巴發出給葉蔚琳等 4 名車長的終止僱用通知，就已經預了受盡千夫所指，即使在 KMB 九巴專頁讚許九巴仔是盡責的員工，不能因為眾多市民要返工返學而停頓下來，但這個 post 的下場如何，也就是被受網民留言抨擊，大鬧「秋後算帳，無恥」的 comment，隨處可見，甚至有網民表示：「九巴 del 人留言」！之不過負評此起彼落，九巴 FB 小編又刪得幾多？
觀望有份留言的朋友，大多力撐葉蔚琳等 4 名車長，以及鬧爆九巴是「無良僱主」，「有公關等於無公關」，甚至有不少網民聲言繼續罷搭，直到解僱葉蔚琳等 4 名車長事件有最後定案，才決定會否繼續乘搭九巴。
精選網民留言：
撐硬車長
「我支持葉女士」
「知道佢哋辛苦，就應該畀返合理工資及適當休息時間俾司機叔叔啦！KMB 虐待員工，等同謀殺乘客！可恥呀！」
「你們真的沒有改錯名！事件沒有向正確方向處理，你們還有什麼形象可見，百年基業就毀於今年，可悲。揸住咁大架巴士，載住咁多人，壓力多大！車人放工回家見家人食晚飯，一家大小出門玩耍，探遠方親友，載住咁多感情。是一份值得我們專重的職業，是專業。請給相等的人工！善待員工！」
「九巴唔可以用我哋做人質迫車長低薪長工時莽顧人命！！！！不如你冇時間時間溝通，就直接一次過加晒應加嘅人工俾車長，咁做咪有效率囉！！！大家趕時間，因為人人都唔止需要抖，仲需要合理報酬！！！！」
「我認為貴公司不應該胡亂炒人（九巴車長 + 月薪車長大聯盟召集人–葉蔚琳、九巴車長–劉卓恒），再聘請他們。貴公司這樣情況會引起公眾對貴公司的處理手法太兒戲，正常貴公司先對違規員工發出警告，如再次違規先作出嚴厲懲處。」
「請尊重返員工嘅權益，為社會服務嘅係佢哋，唔係九巴」
鬧爆九巴
「林子豪呢排應該好唔得閒啦！會唔會仲忙過關公呢？」
「工聯會 x 九巴打壓打工仔」
「如果搞個香港十大無恥企業大獎，貴公司一定入到十大」
「秋後算帳即是表示不准員工發聲，證明欺壓員工！」
「九巴家陣係開罪晒全港打工仔，即係打工仔係地底泥？打工仔不配爭取權益？打工仔要乞你啖飯？」
「衰一次唔夠，暫緩？完全撤銷啦！」
「全球已發展城市之中，香港嘅巴士公司真係 Number one，待遇最差同工時最長！最慘係好多港豬唔明白。」
「既然你都可以不顧形象去炒人，點解你仲需要 PR」
「你和萬寧貓一齊長休，放番個專營權出嚟啦」
「叫司機唔好休息即是罔顧司機，乘客同市民嘅安全！」
聲言罷搭
「我寧願坐地鐵都唔坐九巴」
「我今天開始不搭九巴，直至九巴的上訴機制有結果，以免誤上賊車」
「身體力行就唔搭你」
「今日無搭九巴，行動最實際」
「取消暫緩方案，否則繼續罷搭」
「覺得九巴有錯的人記住罷搭呀」
Source: hket, KMB 九巴專頁 Facebook