學校究竟是幫你增長知識的地方？還是幫你搵份好工的地方呢？據外國媒體報道，一名現居於倫敦的 29 歲港女留學生 Pok Wong，入稟倫敦法院，指其大學課程「貨不對辦」，無助她搵工，於是控告校方並要求賠償 6 萬英鎊（約 HK$65 萬）。
這名女留學生 Pok Wong，於 2011 年入讀全球大學排名中，排 301 至 350 位的英國安格里亞魯斯金大學（Anglia Ruskin University），修讀 2 年制國際商務管理學位課程，並以一級榮譽畢業，唯她指出課程吹噓優質教學及畢業生有良好就業前景，但卻無助她搵工，兼且課程質素差強人意，當中一名講師經常遲到早退、偶爾叫學生「自修」等，認為學校有欺騙及誤導成分，因而控告校方違約並作欺詐性失實陳述，要求校方賠償 6 萬英鎊。
【精選消息】
【精選消息】
而校方代表律師則否認指控，強調課程有關就業前途的陳述，並非合約的一部分，代表律師更指她畢業後搵唔到工，是由於她將時間及精神花在社交網站批評學校所致。
網民對港女控告大學的事件亦相當嘩然，部分網民留言指「真係要人包你生埋仔」、「出醜出到全世界」、「咁都告得入就真係笑話」、「自己選讀野雞大學，與人無尤」。此外，更有網民比喻，表示自己期期都買六合彩，但未中過頭獎，係咪都可以告馬會！
Source：dailymail、hket、hk.news.yahoo