網民 JY（化名）在 Facebook 公開群組「將軍澳」發帖，題為「俾人撳住搶」。JY 表示日前光顧一間 24 小時開鎖公司，對方上門檢查後，先付訂金 HK$1,000。及後對方竟開價 HK$9,200 安裝新鎖，又指「毀約賠訂」。JY 表示最後更無法聯絡對方，遂發帖「請各街坊留意，小心」。
上網搵開鎖
JY 在帖子中表示，日前家裡壞門鎖。由於事發在晚上，JY 遂上網求助，最終聯絡了一間標明「誠實可靠」、「將軍澳街坊可靠之選」的 24 小時開鎖公司「鎖匠」（化名）。
JY 透露與「鎖匠」在即時短訊程式 WhatsApp 溝通好，指對方「講又話換鎖膽可解決，傾好收費，上到黎拆咗嘢又話唔得，要再拆其他部件先可知點攪（要加錢的）。」
他續稱：「到拆咗到最後就話整唔到，要成個鎖體換（即成把大門鎖拆走去配（又要加錢啦緊係）又焗俾啦。拆之前問佢大約幾錢換好哂，佢答 2-3 千啦，要去配，到時先知咁。」
【精選消息】
【精選消息】
JY 表示最後支付了 HK$1700, 對方把鎖拆走；再要另外支付 HK$1000 指對方聲稱是「配新鎖嘅訂 及 安裝」，合共 HK$2700。
JY 透露延至翌日早上 11 時多，仍等不到回覆，太太遂主動聯絡，對方竟回覆要收取 HK$9200，「問佢點解咁貴，佢就話安裝嘅時候要做木工。咁我哋就緊係話唔得啦，點知佢就話咁即係我哋毀約，咁就冇得攞番 $1000訂。」
失去聯絡
JY 在帖子附上與「鎖匠」的 WhatsApp 截圖，從截圖可見，對方表示「毀約賠訂，唔同意歡迎報警同司法解決」JY 更指對方「最後連WhatsApp 都block 埋我，電話又唔接……」
「真係…………我都唔知點講…… 點先可以制裁到呢啲“騙徒“無乃」？
【精選消息】
網民：穩陣都係問保安
不少網民踴躍留言，表示替樓主不值：「成件事太過份，係行騙……痴線架，成萬蚊換把鎖，一定要報海關，報警！推佢上報！」、「集體call佢換鎖」、「冇開正式單你竟然會隨便落訂？咁你好蝕底，當買個教訓」、「晚上揾師傅， 最穩陣都係問保安員有無介紹，上網就唔好揾d$99平的太過份既，app我就覺得比網上揾更大機會出事， 因為人人都可以係師傅， 0成本。」
警已報
JY 並在留言更新事態發展：「多謝咁多位街坊嘅關注，俾嘅意見。現向大家 update 一下：昨夜（編按：3 月 13 日）我已向海關 及 消委會 發出 email, 及填寫投訴表格。現在要等有關當局的回覆。
報警我都先後去了 2 次。一次係昨晚向海關 及 消委會投訴前。當時因該名“鎖匠“仲未 block 我電話、WhatsApp, 所以警方回覆指因不是完全聯絡不上，不構成欺詐行為。所以沒有受理。
第二次報案係剛剛（編按：3 月 15 日）。因為已完全聯絡不上該“鎖匠“，諗住就可以立案。點知警方都係表示只牽涉營銷手法，不完全涉及刑事，所以只係備案。
咁而家就唯有等海關 及 消委會回覆。」
Source：Facebook@將軍澳