有「超人」之稱的李嘉誠，今日在長和及長江實業的周年業績發布會中，公布自己真的退休了，並發表退休感言。李嘉誠表示「咁多年嚟，多謝大家厚愛同支持，一點一滴滿在心頭。」此外，李嘉誠又表示退下來後，會成為長實的資深顧問之餘，亦專注於基金會的工作，尤其是醫療及教育方面。
至於一眾網民對於這位香港首富李嘉誠有退休有何看法呢？有部分網民就表示唔多捨得，會掛住誠哥咁話。但亦有部分網民表示，誠哥都係時候退下來，尤其係呢幾年見佢公布業績時，講到聲都震，見到都覺辛苦。更有網民留言表示誠哥都已經成 89 歲，要做到 90 歲就認真辛苦！
【精選消息】李嘉誠退休 長和記者會李嘉誠金句合集
【精選消息】
【精選消息】
此外，有網民搞笑留言問誠哥退休，「李氏力場」會否失效，香港會打多啲 8 號風球！但有心水清的網民表示「李氏力場」係屬於「李氏」，而並非李嘉誠一人，所以「李氏力場」係會繼續有效，再加上有好多傳言都講佢兩個仔嘅「財技」比父親還要優勝，所以力場只會更勁，更打趣謂分分鐘 10 號風都要你返工。另外，有網民就留言，香港人一邊鬧地產商，一邊就懷念誠哥，好精神分裂咁話！
部分網民留言
「誠哥把聲震哂，睇到眼濕濕」
「真係香港精神既極端，做到 90 先退休」
「香港人既精神分裂真係好向左走向右走勁，一邊 Hi 地產商，一邊話懷念佢」
「誠哥唔好唔要我地」
「誠哥近幾年連人都企唔直，俾誠哥抖下啦」
「九十歲啦 ... 正常一個阿伯真係連企都企唔直」
「李氏力場會否失效」
「講明係李氏，應該都係姓李既跟返」
「八號風球可以掛」
「十號風都要你返工」
「誠哥可否不要老」
「一個時代的結束」
Source：hkgolden、lihkg