近年「鴨記」熱賣的亞洲 17 地漫遊卡 AIS Sim2fly ASIA，去日本及東南亞國家都好掂，賣 HK$85 玩 8 日已經好抵，不過最近有方法可以 HK$36 就玩倒！點解咁平？ezone.hk 同大家睇睇。
大陸眾籌 Cloud SIM
大陸盛行 Cloud SIM 技術，去外地漫遊上網唔需要次次買 SIM 卡，小米、魅族等大陸牌子手機的大陸版 ROM，都有內置 Soft SIM，通過 Cloud SIM 技術提供數據漫遊服務。近日，有大陸初創公司透過京東眾籌推出 Cloud SIM 實體卡出貨，並有本港網店引入，現售 HK$100（眾籌價 69 人民幣）。
【相關消息】本地眾籌智能咖啡機 Arist 走數 560 萬！拖足兩年未出貨
HK$100 買到的，是一款名為雲遊寶 G-SIM 的實體 SIM 卡，它以 Cloud SIM 技術，讓用戶隨時選購合適的漫遊 SIM 卡，並以 OTA 將漫遊 SIM 卡的資料，推送至 G-SIM 的實體 SIM 卡，玩法跟本港公司推出的 AIRSIM 一樣。
不過，雲遊寶 G-SIM 的特點在於提供的數據漫遊服務極平，ezone.hk 記者所見，其「17 國及地區 8 天 4GB 套餐」收 29 人民幣 (約 HK$36)，它實際上以 AIS Sim2fly ASIA 8 日 4G 無限 (4GB 後限速 128kbps) 上網卡提供服務，該卡「鴨記」要賣 HK$85；而收費 49 人民幣 (約 HK$61) 的「67 國及地區 15 天 4GB 套餐」亦即是 AIS Sim2fly Europe & USA 15 日 4G 無限 (4GB 後限速 128kbps) 上網卡，「鴨記」賣價近 HK$220。另外，也有套餐由以色列 Orange 提供的多國漫遊服務，大家看當中的 APN 便可略知一二。
業界質疑可靠度
ezone.hk 記者訪問幾家「鴨記」檔主，均對有關套餐的價格表示質疑，不過亦發現 29 人民幣套餐的原價是 81 人民幣，49 人民幣套餐的原價是 193 人民幣，原價其實比「鴨記」更貴，認為「一係燒錢吸客；一係賣完卡就走佬收咗大筆錢就走佬，幾個月後用唔倒」；另外，有網店則以「疑似樂視二世既大陸初創企業」來形容該眾籌項目。
的確，大家使用預付式服務，尤其是以眾籌身份出現的大陸初創企業，要留意風險啊！
Source：京東、ezone.hk