不是每個退休人士都像李超人般風光的！網民 wgcn 日前在香港討論區發帖，題為「人老咗就好迷惘」。自稱做文職的 wgcn 表示：「早已經到咗退休年齡，大嗰個就快結婚，細嗰個去咗外國讀書，老婆從來不陪我，我冇嗜好，少朋友冇人約自己，放假一個人刀唔不知去邊好，行山 post 相冇人 like，公司重要事已經不會交比我做，日日無所事事好似等死咁」；「今日又沒地方去，由柴灣行去筲箕灣搭電車去灣仔睇人游泳，睇到 5 點落閘返去買餸煮飯食」；「剛剛睇完流氓大亨，舊戲真係好好睇」。
網民獻計 全被打沉
樓主講到好唏噓，就快退休的你，是咪好很有共鳴？帖子贏得不少網民踴躍回應，齊齊獻計開解樓主，wgcn 亦非常勤力回覆帖子，幾乎把所有獻計都打沉，真係好等死咁灰。wgcn，加油啊！
【精選消息】
飲茶
- 咁其實仲有好多野可以做嘅，有時放假都可以一齊去飲個茶，食個飽吖
wgcn：我朋友很少，放假沒人跟我去飲茶，有時候大清早一個人去街市睇人落貨
馬會
- 咩唔係飲茶去馬會咩？我樓下馬會好多人呀。
wgcn：要花錢的我沒興趣，六合彩我也沒買
同事
- 咁你做邊行呀？可以約下同事食下飯，行下山吖
wgcn：我做文職，但毎日我自己食午餐，行山刀係一個人，冇人陪我
【精選消息】
北上
- 北上 翻開人生既新一頁
- 因住預左實會食過翻尋味, 跟住就無左個家喎。
wgcn：公司叫我北上工作刀冇去，一年象徵式去開會一次，自己去車費太貴，我還有幾年才有二元優惠
過大海
- 樓主過大海， 包保你唔使識返屋企
- 都係北上或過大海吧，家無咗咪算，返正對你可有可無。
- 你留咁多錢做乜啫，咪又係益D仔女同老婆。happy 先算啦
wgcn：過大海船票太貴，錢留下來搭車買餸；我未有長者卡，去澳門好貴唔適合我
義工
- 仲以為你人老左, 咩都無, 而你人老左, 仔女又有, 老婆又有, 連工作都仲有, 咁你根本就係無咩大問題, 純粹係悶得滯, 因為無咩人陪你所以先至咁煩惱啫。如果咁, 咪做義工去探訪有需要的人, 將你個沉悶解開之餘, 仲可以帶多D歡樂和關懷比其他身邊沒有家人的院舍人士囉!
wgcn：其實有苦自己知，放假冇屋企人陪，fb 冇人 like，whatsapp 群組一個一個離開，公司冇人同我說話，連老闆刀唔同我講多句 曾做過義工一次，刀係教小朋友做功課，可以我孤獨冇帶笑容有點黑面，之後話夠人唔使再去做。
我要買餸煮飯做家務，可以做義工時間不能太長，我會去了解一下
【精選消息】
老婆
- 咁解老婆唔陪你？係因為你無用心同佢溝通？
wgcn：老婆佢工作忙，假期刀要出差，到佢真係放假又同佢朋友去旅行，我上一次旅行已經是十年前同個仔兩個人去韓國，曾經懷疑過老婆有外遇，但不敢去問佢我又唔敢求真相怕接受不到
- 試下更你老婆去，可能綠帽
wgcn：不敢跟，怕好嘅唔靈醜嘅靈
- 你仲有冇同老婆拍拍
wgcn：已經冇夫妻生活好多年，我又不是很大需要
- 最好建立兩人共同愛好
wgcn：我們沒什麼共同嗜好，我這麼多年來都擔起家裡一切，我喜歡的她不喜歡，根本沒時間建立
- 要「用心」經營
有點難度，她跟我一起不是「用心」
女人
- 包個二奶打發時间
- 男人有錢要揾女人先唔悶，天性若此。
- 叫G
執紙皮
- 睇到你講到自己成日1個人好無聊0甘。。不魚搵d野搞嚇。。how about 去執嚇紙皮拎去賣。。可以做運動又搵到d$
結論
- 睇咗咁多有心人回覆 樓主慳家到一個 唔係叫你大洗大fing 既然覺得悶咪四圍行吓睇吓lor 唔洗花太多啫 捨得捨得 有捨就有得!
- 上香討有豬頭
- 參加興趣班，例如太極，可以一班人一齊玩。
- 去政府健身室玩……任你玩又吾駛$……
- 最緊要人老心不老，開心過人生
Source：香港討論區