《黃子華棟篤笑 2018》早前進行優先訂票，卻涉嫌出現黃牛炒賣活動。黃子華在 Facebook 個人專頁，以視頻方式呼籲政府正視問題打擊黃牛黨，又呼籲觀眾不要買黃牛。黃子華此舉贏得勁多網民力撐，但並非所有人都一面倒支持，例如獅子山學會就高調批評這是黃子華的錯。
「The Lion Rock Institute 獅子山學會」面書專頁日前發表一篇題為「供求失衡炒黃牛 搵食啫，犯法呀？」的帖子，「就有關黃子華呼籲政府干涉自由市場炒賣一事」回應。
「黃牛重新配票」
該帖子表示：「黃牛黨的出現，是因為門票定價太低、座位太少、觀眾太多，所引起供求失衡的問題」，又指「黃牛黨透過重新分配門票，決定誰可得到位置」，認為黃牛黨擔當了重要角色。
【精選消息】
《黃子華棟篤笑 2018》一票難求，獅子山學會把責任歸咎於黃子華，認為「是黃子華的錯」，皆因「他將門票定價太低」。
該帖子提出 2 項建議：
- 「呼籲如果黃子華再辦棟篤笑，可以考慮利用先進的電腦軟件進行公開拍賣門票的方法，以達到成功分配門票的目的。」
- 「其實只要主辦單位只要加場次、加價，便能避免出現炒賣門票的情況。」
【精選消息】
獅子山學會反對政府干預自由市場。其理據是：「在自由市場下，主辦單位出售門票時既已收到協議中的收入，那門票的權益便是屬於買方，買方不管是用較高或較低的價錢轉售，只要有人同意以該價錢購入便可，別人無權作出干預，的士牌不是因為這樣才炒到幾百萬一個嗎？」
「肯高價捧場才是真 fans」
獅子山學會相信：「肯用這樣高的價錢來捧場，才是支持黃子華的真正 fans，整天只望能夠用平價去看偶像或叫回水的，不如回家睇 youtube 吧！」
【精選消息】
該帖子引來網民極大迴響！發帖不夠一天，截稿前已贏得 1,428 個心情（當中包括 973 個嬲嬲）、636 次分享、469 則回應。網民留言一面倒狠批獅子山學會的言論，節錄如下：
- 根據《公眾娛樂場所條例》「對未獲授權而售賣門票的限制」，向公眾轉售門券屬違法行為，最高可判處罰款二千元。
- 點解要黃牛黨去重新分配門票? 黃牛黨有咩權? 因為錢多就可以玩晒?
- 有啲嘢唔係一句自由市場就大晒。光明正大賣飛無問題, 買到嘅飛私人轉讓亦很平常。現在要正視的, 應該係點解人地一個團隊自己都未有飛, 而非官方售賣點已經有數以千計嘅門票在售賣吧?
- 當中有沒有欺詐消費者? 有沒有違反商品說明條例? 難道政府不需要跟進一下?
- 紅館是政府的場地，子華或營運單位是製作人，你班黃牛炒貴啲門票，仲講到自己神咁，咩重新分配？你們憑咩？攞咗牌呀？ 做人無恥就認咗佢，唔好歪曲道理，再講多次，你憑咩呀？！
- 而家係懷疑有人有非法途徑得到門票，然後拎上網炒賣，係涉嫌犯法，而且黃牛飛根本嚴重影響消費者權益，對商家一樣係唔公平，如果係自由市場，請問黃子華團隊自己定價同定場次又有咩問題？
- 呢個世界，唔係有幾個錢就隻手遮天，不過同有錢佬牛油狗同埋一班自以為財金精英，實際上撈唔起既垃圾組成既屍子山學棍講道理係浪費時間
- 睇到最後就知係ON_冇得醫，"肯用這樣高的價錢來捧場，才是黃子華的真正FANS" 喂兩個問題，黃牛嘅高價唔係落左黃子華個袋，算點先？第二，咁買黎炒黃牛嘅人即係唔係fans啦，咁係咩野黎？打呢編野個人真係垃_圾（文字經過處理）
- 不如改名叫「黃牛學會」
Source：獅子山學會