結婚本來是兩個人的感情事，但香港人結婚，除了講錢有冇能力擺酒之外，還要問有冇一層樓！最近有網民在 FB 群組中，貼上一段文字，問大家這個女子應否結婚。
該段文字寫道女方今年 26 歲，而男方今年 31 歲，與男友拍拖 7 年，自己返文職月入 2 萬 6 千元，儲起一半人工，現時有 15 萬左右；而男友做公務員月入 2 萬 5 千元，月儲 6 千，現時有 20 萬元左右。男友現在就想計劃結婚，但女方就未想太快，一來未準備做人妻；二來就覺得男方收入未能照顧家庭，而最大問題是買唔起樓。縱然男方屋企有 2 間空置的房，但女方亦不想與未來老爺奶奶居住，於是為此問網友應唔應該結婚？
【精選消息】
【精選消息】
網友們見狀，一面倒其實也是鬧爆這名絲打，更反問女方究竟是「嫁男人定嫁層樓？」有的更罵道「個腦有問題，如果你係男朋友唔該飛咗佢搵過個。」、「唔好結，做尼姑，到時大把空戶你瞓。」此外，也有網民道出重點表示女方根本就未玩夠，只是用買唔起樓做借口，更建議女方放開個男仔，唔好害佢。另外，也有網民用李嘉誠金句叫果位男仔「你趁後生搵過第二個！」
Source：巴打絲打 Facebook Club