網民「人做天不看」日前在 LIHKG 討論區發帖,題為「外賣叫個海鮮 pizza 禁_錯制走左海鮮」(文字經過處理)。樓主表示:「仲要佢送左出鋪先發現 打電話都遲左」,又透露「曾經諗過唔開門 如果扮冇人,熄手機會點」。
徇網民要求,樓主更附上 2 張貼圖(如下),包括「走海鮮 pizza」及其單據證明,場面悲壯。截稿前,帖子贏得 801 個正評及 7 個負評。
有網民與小記一樣,想知邊間 pizza 咁抵死,提供了「走海鮮」選項,兼且明知客人「走海鮮」都唔電聯覆核。樓主表示是 PhD。有網民質疑:「正常會打比你覆實 明玩_你」(文字經過處理)。另有網民指出:「好似 pizza hut 先會覆 Phd 無咁好服務」。
有網民與小記一樣很想知道,樓主是否自己一個食,抑或有 fd 共享。樓主愁容回答:「自己一個食」;氛圍淒酸,可歌可泣。
【精選消息】
【精選消息】
有網民奇怪,為何樓主在「創意台」發帖。樓主:「原本想開係飲食台 連開 PO 都禁錯」。即被網民嘲諷:「樓主你好似乜_都錯_曬嘅。」(文字經過處理)
究竟,外賣海鮮 pizza 撳錯掣走海鮮,有咩要注意?事已至此,不少網民踴躍回應,希望幫到樓主。節錄網民意見如下,值得參考。
【精選消息】
Source:LIHKG討論區