手機雖然是大家日常生活中非常重要的工具之一，但外國有研究顯示，手機的含菌量，其實比起廁所板的含菌量還要高。不過，手機內部的衛生情況，可能更加嚇你一跳。有網民幫顧客維修手機時，在打開手機機背後，竟然看到手機內部竟然藏有 6 隻「小強（曱甴、蟑螂）」！
從相片所見，藏有小強（曱甴、蟑螂）的手機，應該是 Samsung 附設 S Pen 觸控筆的機款。6 隻小強（曱甴、蟑螂）可能是趁 S Pen 未有插入筆槽的情況下，乘機走入筆插內，甚至不排除「大肚小強」直接在筆插孔旁產卵，孵化後的小強便把筆插孔當成「家」。相信這 6 隻小強（曱甴、蟑螂）的最終命運，很大機會是被 S-Pen「插死」，以致屍體殘留在手機機內。看過這些相片後，大家又會否過於恐懼，因而以後不敢買內置觸控筆插孔的數碼產品呢？
網民意見
- 網民 A：排得咁整齊嘅！
- 網民 B：排得咁齊，輪住去死！
- 網民 C：真係好嘔心，仲要日日袋住，拎上手聽。
- 網民 D：比佢更污糟都嘅整過，但係好似圖中咁特別就未試過。
- 網民 E：如果條友之前搵返支筆，一嘢插入去......Oh my god！真係不得了！
- 網民 F：好核突呀！所以要日日抹電話。
- 網民 G：我昨天弄 iPhone 5S，有白蟻，還没死的那種。
- 網民 H：話唔定個機主想隨身帶昆蟲，人地儲到 6 連殺喇！不如塞返入去？
- 網民 I：小強！小強您唔好死啊小強......我含辛茹苦咁養大您供書教學......而家白頭人送黑頭人......
- 網民 J：我見過隻未死嘅啦，整電話真係見唔少！
【精選報道】
【精選報道】
Source：YunTin Ho@Facebook、ezone.hk