無綫新節目《蝸居宅急變》日前播出一集《網購 DIY 平民價「飾」出驚喜》，節目裡一對新婚夫婦為新居大改造。然而，原本放在客廳的一個模型玻璃櫃，在新居大改造後，疑似「被消失」，惹來全城關注，為男戶主感到心痛。
事發後，網民 DiaonaSing Wong 日前在「今日一入玩具報價區」面書群組發帖回應事件；發帖僅半天，已贏得 3,341 個心情、445 次分享、288 則回應。從帖子內容推斷，DiaonaSing Wong 就是《蝸居宅急變》的男戶主。
模型櫃原封不動
DiaonaSing Wong 表示向各位師兄報平安：「我個櫃連入面既玩具以至於雜物房入面既收藏全部原封不動無郁過」！
「中傷我最愛嘅人」
原本無諗住出聲的 DiaonaSing Wong，卻變成護花使者：「實在太多未審先判既師兄們不斷出 post 或留言中傷我最愛既人，所以我不得不出此 post 證明我老婆並非你地心目中既人！」
【精選消息】
一直得到太太尊重
他指自己的模型興趣，一直得到太太尊重，更疑似曬命表示：「家中既 ps4, VR, 櫃入面既大贊卡，未砌好得副骨既 pg 豪版 exia, 仲係房未砌既 pg unicorn全部都係我老婆送比我氹我開心的，識我既人都知我每次收到呢 d 禮物都會放上 fb 放閃絕無虛假，試問一個肯送呢 d 貴重玩具比另一半既女人點會係你地口中既人？老婆既然尊重我既興趣，我作為老公都滿足下老婆少少心願係裝修度整得粉紅少少有咩問題？我相信明事理既師兄們會理解的！」
有人搞錯桃紅色
DiaonaSing Wong 更驚爆有人搞錯顏色：「同埋我想講我老婆係鐘意淡粉紅而唔係桃紅囉 佢地根本買錯哂顏色...」
【精選消息】
愛的宣言
DiaonaSing Wong 越說越有，更有感而發講耶穌：「各位師兄未必每個都有家室或者有另一半，但大家應該都有自己重視既人，其實玩具都係身外之物，唔好聽講句大家走左玩具可能只係陪葬品，愛你珍惜你既人先係生命中最重要的，今次呢件事上面大家咁重視我個櫃去左邊而去傷害我重要既人，你地有無諗過我其實重視玩具定係家人多 d？你地中傷我家人即係對我唔尊重，希望大家尊重小弟尊重我愛既人，亦都尊重自己～」
認真便贏了
認真的 DiaonaSing Wong，把花生友的行為變成對太太「愛的宣言」，把花生友變成葡萄友，「櫃在人在」真男人，難怪贏得美人歸，you re my man！
【精選消息】
網民有 says
- 師兄好有型不過遮樣就有啲唔實際喇
- 出左名，飲茶都會比人笑，恭喜恭喜
- 間屋有冇還原反？
- 樓主真漢子！太多葡萄友
- 出文或非樓主本人意願
- 掉咗個閃石電話未？
- 其實你兩位先係受害者，不過都服你唔怕煩打咁大編嘢企出嚟撑老婆
- 不過...淡粉紅變桃紅又真係幾過份...淡粉紅成件事會唔同曬 感覺少女清新多
DiaonaSing Wong 再回應：「多謝各位師兄師姐既回覆 屋企既佈置方面我會再行處理，我地都覺得ok既會保留，風塵味重既都唔會有得留低，其實真係唔係好難搞返好，pg 都砌到呢 d 難唔到我既 所以大家都唔洗咁擔心 大家既留言我都比左我太太睇，佢好感激大家肯還佢一個清白, 佢係一個單純善良既人經唔起太多呢 d 衝擊，所以我先要咁樣幫佢平反一下，如果我個 post 有咩冒犯或者誤會，還望大家多多包涵 都係果句，衷心希望大家都開開心心玩玩具...之餘，都好好愛護同珍惜懂得包容你興趣既人啦～」
隨帖並附上多張圖片，DiaonaSing Wong 表示：「借 post 分享下大家擔心既玻璃櫃過往海關送比我既禮物 望呢個 post 可以終結各位既疑慮同連日黎對我老婆既中傷，謝謝！」
Source：今日一入玩具報價區