從前香港政府用哪個電郵管理系統，可能對於不少港人而言是「無人想知囉」的一件事，但隨着近來不少知名企業發生過重大個人資料外洩事件，又或者有新聞提到國內有不少方法可以監控及竊取個人資料，就令市民的保安意識大為提高。因此在前線科技人員 Facebook 的一個 post，提到「創科局早前出咗張 Tender 將所有唔同部門嘅 email 系統整合，俾一間叫『彩訊』嘅深圳公司中標，全部搬晒去一個叫 RichMail 嘅國產系統，盛惠 HK$2 億 3 千萬」，就不只讓樓主擔心「相信日後所有資料都會直送中央」，還讓一眾網民懷疑他日「連通訊自由都冇埋」。【晚上 8 時更新：按此看政府最新回應】
【精選消息】
【精選消息】
樓主原 post 提到「香港政府嘅 email 一直都係用 Exchange 或者 Domino 相信好多人都知，不過呢個即將會成為歷史喇」，原因是創科局出招，會將所有政府部門 email 全部搬到一個名為 RichMail 的國產系統負責管理，費用為 HK$2 億 3 千萬，並附有 Tender 原文供大家查閱。講真在早前未有大陸監控及竊取個人資料的新聞報道前，港人怎會花時間留意香港政府到底用哪個電郵管理系統？但現在此 post 一出，一眾網民都擔心有資料外洩的可能。此外，也有網民認為香港政府經常強調重視本地創科發展，但在電郵系統管理方面就「身體很誠實」使用國產出品，「香港 IT 界情何以堪」呢！
精選網民留言：
- 政府乜都已經係大陸仔接管啦，啲內部用嘅「通訊」嘢都畀大陸仔公司 bid 咗，仲要個價唔平㗎，點解會咁都 bid 到？你明嘅
- 咩中標丫，擺明係送畀大陸㗎啦
- 大陸嘢價係低嘅...不過一分錢一分貨，有咩事唔好 X 就得，都唔講啲個人資料會變成點喇
- 直送中央唔係問題， 四圍洩漏先係問題
- 香港 IT 界情何以堪......
- 就算唔講政治，深圳知道晒你底牌，日後有乜談判都輸硬
- 即係以後投訴政府 email 直送中共
- 又話培訓科技人才，又要引入科技專才，一個唔該就將政府 email server 搬上深圳，你想點呀？
- 香港做生意都要做二等公民，投份政府嘢做下都大陸優先
- 香港，連通訊自由都冇埋
Source: 前線科技人員 Facebook