有煙癮習慣，或是行過報紙檔、便利店的朋友，近日也許發現有些香煙的包裝已經改了。最震撼的莫過於印上「靈堂」的圖片，一名男子手持一張「車頭相」、而「車頭相」中的女子正在吸煙。周邊更印上「吸煙引致早死」字眼，引起不少巴打討論。
其實根據立法會去年通過的《2017 年吸煙（公眾衞生）修訂令》，由 2018 年 6 月 21 日開始，所有煙草產品封包必須印有一款指定「新健康忠告式樣」，當中包括「吸煙引致早死」靈堂相片、「吸煙奪去我的聲線」爛喉嚨相片，一共 12 款。而根據規定，這些「新健康忠告式樣」需要覆蓋香煙包裝至 85%、覆蓋雪茄包裝至 70%。而網民反應不一，有網民指出新包裝「令人心寒」、「十分震撼」、「字眼不人道」。
【熱門報道】
【熱門報道】
【熱門報道】
然而，更多網民的反應就更直接。有網民笑說「佢就係想令你震撼同心寒」、「迫人食二手煙好人道？」、「崩口人忌崩口碗」、「爛腳仲震撼啦」、「車頭相改鏡面仲正啊！」、「都未用到彩色爛胃爛牙」、「應寫無仔送終、賭乜輸乜、長命百歲百病纏身」。
不過都有網民認爲這種包裝成效不大，因爲食煙的人「睇慣左根本唔會當係一回事」、「食得煙嗰啲人都唔怕死」，又認爲「政府又要賣又要扮好人」，加價更有效。大家又覺得這種忠告圖有沒有效？
Source：Lihkg