是咁的，網民「波司登3.37」日前在 LIHKG 討論區發帖，題為「益下你地班連仔司機，荀工，價低者得！」。該網民在帖子表示：「我是經營一間花店，由於母親節果日接單太多，唔夠車送花既關係，要出去搵街車。」
【精選消息】
「夠膽開我 $120/hr」
他續稱：「搵左個司機，夠膽開我 $120/hr，大佬，食水唔好深 d？當我水魚？我咪好聲好氣，教下佢做生意唔係咁，順面還價 $85/hr，居然仲敢自稱專業人士」
「居然敢自稱專業人士」
說到火起，「波司登3.37」咆哮：「如果司機都叫專業人士，保安都算啦，唔係讀唔到書都唔洗做司機啦！」
結果呢？「最後我出到 $90/hr 包佢 7am-3pm，佢都唔肯，痴線，真係明益佢都唔肯。」
【精選消息】
「你地班連登跟車佬」
敗走的這位網民，遂在討論區發帖求救：「現在，我決定益下你地班連登跟車佬，$90/hr，想做既 pm 我，價低者得！」
他在發帖後不久再表示：「已經有人 pm 我 $90，你地有人開低小小，我就搵你架勒，記得把握機會！」網民「方糖鏡」立即回應：「你係咪傻_左 捐返入你阿媽個_到得唔得」（文字經過處理）「波司登3.37」絕非善類：「收_啦，方生」（文字經過處理）；見到有 6 個網民給負評，他居然留言：「6 個廢青留下負評」。截稿前，該帖子已累積 607 個負評，18 個正評。
【精選消息】
後來，有網民留言出價 $50。「波司登3.37」表示：「拿！有人出價 $50 添！你地好好珍惜機會！明天 3pm deadline」；又坦蕩透露上貨地點：「唔記得講，葵涌業成街上貨，早上 7 到 3 誠心誠意請，你今日同我合作好，明日一定有下一單！」
如此筍工，受到不少網民「青睞」，紛紛請求受僱。網民回應，節錄如下：
- 免費幫樓主 志在攞經驗同遊車河 pm me
- 唔洗錢，志在入 big4 之前多個 cv 寫下，請我免費請樓主食我自製既天然肥料
- 樓主，我得個學車牌不過好想整靚份 cv 順利學野，將來加入 ibank，唔收錢都得，可唔可以比我做
- 比返 90 一個鐘你 想學野
- 自薦做義工可以嗎 剛出 h1 想吸收下工作經驗 比 100 油錢我可以了 反正星期日得閒 留番 tg 我聯絡 希巴打比機會我
- 34.5/h 細佬上有高堂下有妻兒 半年無工開 做下好心請我啦 有經驗 有輕型貨車駕駛執照 守時 有責任心
- 我是經營一間花店
- 連登_有 PM 咩 我_你老母（文字經過處理）
花店老闆與街車司機的 WhatsApp 對話截圖被上載。從截圖目測，花店老闆甫開始就誤把「司機」寫成「師機」；「我叫陳小姐」變成「叫我陳小姐」，態度媲美「叫我梁特」。不過，對方就以「Hihi」回應這名「叫我陳小姐」，似乎「膠都費事俾」。
「叫我陳小姐」仲話本已約了一名開價更貴的司機，現在這個開價較便宜，「叫我陳小姐」居然還要壓價。有句說話叫「個腦生係……」。
「叫我陳小姐」出價 $85，被司機指開價侮辱後，「叫我陳小姐」可能做開老闆，似乎受不住打擊，或惱羞成怒，語無倫次，竟彈出一句：「你們要讀書嗎？」臨尾開價 $90 後，竟命令式加上一句「不要再加了」，議價議到好似佢話事，語出驚人。
「波司登3.37」不是花店老闆？
不過，有網民質疑發帖者「波司登3.37」並非花店老闆「叫我陳小姐」，而是其他網民或「受害司機」本人，並根據上述的 WhatsApp 截圖，以「借刀」寫作手法，還原花店老闆「叫我陳小姐」的特質。
Source：LIHKG討論區, 巴打絲打FacebookClub