偶然都會看到有人爭議，行李放進的士車廂內，是不是不用收行李附加費呢？稍早前，一位港媽便帶同 BB 車乘坐的士，到達目的地後，司機收取了她 HK$6 行李附加費 。港媽表示 BB 車並非放在車尾箱，質疑應否額外收費，在網上惹來不少爭議。
稍早前，一名港媽在 facebook 的士司機資訊網 Taxi 群組，發帖表示：「我同先生同 2 個女女帶住呢架仲矮過我歲半女女嘅 BB 車上車……，停車時咪錶是 $35.9，司機收我 $42，我就好奇地問點解 $42，佢話 BB 車要收 $6，我即時話，下…我唔係放尾，更何況咁細，佢就話係法例規定！咁我就打畀我嘅的士司機朋友查問，他說不用收，唔高過 140cm 根本唔使收。」
【網絡熱話】
【網絡熱話】
帖子發布以後，惹來不少爭議，部分人不認同港媽想法，加上港媽有貼出「的士司機證」，所以也有人指責港媽網絡公審，留言包括：「為咗搵人著數，慳番嗰六蚊，你會開心好多？」、「為了 6 蚊而公審人家叫縮骨啦」等。不過也有人表示，港媽不一定全錯。根據運輸署的士收費指引，以下情需收取 HK$ 6 行李附加費：「每件擺放在車尾行李廂內的行李；或每件擺放在車廂內而長、闊、高總和超過 140 厘米的行李。嬰兒車亦需按照上述準則繳付行李附加費。」
事實上，重點應該在於 BB 車摺疊後，長、闊、高總和是否超過 140 厘米。根據港媽 BB 車的款式，摺疊後的尺寸是 32 x 20 x 38 厘米，加起來就 90 厘米。所以亦有網民表示：「執正黎講 6 蚊師奶贏硬」、「摺埋長闊高加埋唔過 140 真係唔收得」等。
Source：的士司機資訊網 Taxi、運輸署