醫生搵侍應「祭旗」教仔，侍應 GG 點樣算？網民 angryfish 日前在香港討論區發帖，題為「依家既酒樓侍應真係無禮貌，連醫生都夠膽鬧」。帖子大意指，發帖者與醫生及醫生個仔去酒樓用膳，席間醫生借侍應做「教材」，向阿仔豪言唔讀書將來就做侍應。據了解，侍應被屈機剩番把口，遂大聲回應。事件被發帖者放上討論區成為熱話，意圖公審侍應「服務態度差」、「連醫生都夠膽鬧」。不過，網民意見有驚喜……
事發經過
以下是帖子原文，小記唔敢改，以示公允。讀畢原文，下面尚有網民回應，才是戲肉。
【精選消息】阿叻稱全港有 17 萬高球從業員！陳百祥舌戰陳淑莊反對收回高球場
【精選消息】
今天我陪朋友同埋佢屋企人去酒樓飲茶
點知見到個酒樓侍應態度勁差
成個人黑口黑面，謂野又大聲
咁我個朋友咪同佢個仔講
「你依家唔讀書，第時就好似呢個叔叔咁做侍應架啦。」
點知個侍應聽到之後，
唔知係咪佢太過自卑，竟然勁大聲喝我朋友
叫佢唔好狗眼看人低
我朋友見到佢發脾氣
咪解釋自己只係教仔，唔係睇佢唔起
點知佢仲起度發神經
之後我話比個侍應聽，我個朋友係醫生
佢無父蔭，完全靠自己本事做到呢份高尚既職業
叫佢尊重一下我朋友
但係佢仲起度亂鬧人
之後要酒樓經理出黎調停先解決陣事
你地話依家香港地服務業發生咩事，連醫生都敢鬧
點解佢地既服務態度可以差到咁
【精選消息】機電署籲停用三款萬能插頭 可構成觸電危險
【精選消息】
截稿前，帖子已贏得 63,355 個瀏覽、1,172 個回覆。網民踴躍留言，以為是撐醫生的，你就輸了！乍看之下，網民主流意見，竟一面倒是為侍應抱不平，指醫生先撩者賤又冇品；撐侍應「最低工資之下，被剝削就係咁。」搞到 angryfish 差點真係變憤怒魚了（好似係）。睇睇 angryfish 有幾 angry 先。
先撩者賤
- 網民：抵比人閙！先撩者賤！做醫生都咁冇品冇口德，真系丟盡醫生嘅架！
- angryfish：咩先撩者賤？依家係個侍應態度差先咋喎 如果佢服務態度好，點會有呢 D 事發生？
醫生冇家教
- 網民：個醫生咁冇家教
- angryfish：個醫生教仔咋 咁都有錯？ 做父母既都想自己仔女努力讀書架啦
【精選消息】
職業無分貴賤
- 網民：讀幾多書同做乜職業 根本冇關係 而且職業無分貴賤 咁樣教仔法真係佢死佢自己個仔 !！
- angryfish：咩野職業無分貴賤？你當醫生既人工同侍應既人工一樣？
- 網民：貴賤 同收入 係冇關係 賣白粉夠搵得錢多啦 咁唔通佢又好高貴咩 我諗你都係去搵醫生檢查下個腦 不過都係唔好搵你朋友
U grad 都係做保安
- 網民：我大學畢業，都係做保安。你朋友咁講野個侍應唔_你朋友就假（文字經過處理）
- angryfish：大學畢業通常唔會做保安喎 你係咪 third hon?
- 網民：我 first hon,城大 現在好多大學畢業出來都係搵皮二三，我索性做保安好過
Source：香港討論區
Photo：經濟日報圖片庫（圖片與本文無關，僅供參考）