大家有沒有看歐聯決賽？最終皇馬以 3﹕1 擊敗利物浦。由於利記門將卡利奧斯的表現備受評擊，小米香港在 facebook 意圖成機抽水，指「送個旅行箱畀卡利奧斯……，求吓你快 D 走喇」，不料反遭網民圍插，最後小米更要刪帖了事。
【流動】
【流動】
若閣下是利物浦擁躉，可能會對比賽結果有點失望，利物浦門將卡利奧斯因失誤失掉兩球，最終敗給皇馬。只是想不到小米香港，卻成機抽水，在 facebook 專頁發帖表示：「你走喇！我唔想搞大佢。相信如果有睇前晚歐聯嘅米粉（利迷），一定好想送個旅行箱畀卡利奧斯。你值得更好嘅球隊，求吓你快 D 走喇」。
原本小米似乎想 sell 自家行李箱，不料抽水抽著火水，迅速被網民圍插，留言包括：「個 marketing 以為自己好風趣，笑 x 死，如果你想攞 e 個來當 selling point 嘅話，唔好意思，你已經失敗咗」、「收皮啦，老翻王」、「咪當全部利迷都咁冇情先得架」、「你哋係中國品牌，唔明白咩係道義，我可以理解」等。最後小米香港唯有刪帖，但已被連登巴打截圖，未知會否引來新一輪公關災難。
Source：小米香港 Mi Hong Kong、lihkg