港鐵 MTR 又有大消息！今日（6 月 6 日）有本地傳媒報道，港鐵專責維修安全的工程主管考試（Engineer's Person-in-Charge，下稱 EPIC），懷疑出現造假情況。有員工指，有份參與 EPIC 內部工程主管考試的考生，會在考試前得到全卷答案，而現場考官亦會「提水」，提示考生「再諗清楚啲」、「係咪呀？再諗真啲」等，確保考生答對才交卷。民主黨立法會議員，兼廉政公署前調查主任林卓廷以「好得人驚」形容事件，直指：「搵員工嘅人命較飛，絕對不能接受」。而他亦表明，如有職員明知考試造假但仍以虛假文書或陳述欺騙管理層，導致港鐵利益受損，或已構成串謀詐騙罪及觸犯《防止賄賂條例》第 9 條，定當嚴懲及追究法律責任。至於港鐵方面表示，對相關事情十分關注，已即時向有關部門了解。根據過往調查顯示，所有訓練員均嚴格按照公司指引進行考核，亦有委員會定期審視考核機制。
【精選消息】
【精選消息】
近來港鐵加價、高鐵試車等事件，已經不太深得市民歡心，如今再有工程主管考試涉嫌造假的醜聞爆出，難怪不少網民看完新聞都大肆討論。有網友直言：「咁明目張膽」、「自己人考自己人，點提水都唔關街外人事啦」！更有網民提到 EPIC 內部工程主管考試機制並非想象中嚴謹：「唔係低能都會放你」、「地鐵內部好多試都係求 X 其，公開秘密嚟。報料目的可能係權鬥，呢幾年退休潮爭上位」。
雖然有網民解釋 EPIC 內部工程主管只是基於原有的職位上，加上一個資格，但由於當中不存在加人工的情況，因此沒有人會視之為認真事。不過，也有網民提議港鐵應外判考試予獨立人士監考，免除「自己考自己人」的情況之外，也能對考生作出更客觀的考核。
精選網民留言：
- 咁明目張膽
- 做馬都做得醒啲呀
- 應該係有溫書既人唔抵得
- 自己人考自己人，點提水都唔關街外人事啦
- 唔係低能都會放你
- 地鐵內部好多試都係求 X 其，公開秘密嚟。報料目的可能係權鬥，呢幾年退休潮爭上位
- 呢啲考試真係要外判出去畀獨立人士監考
- 你見啲地鐵成日出事果陣開始已經知呢樣嘢同時間有出現咗
- 港鐵其實同政府冇乜分別，越廢嘅 XX 越高層，應做嘅唔做
- 全部都係內部自己人，明明爆料條友都係受益者，真係多得你唔少
Source: lihkg