近日潮流興「走塑」，多間連鎮餐廳都宣布停派即棄飲管，又或者改用不鏽鋼飲管，為環保出一分力。其實不少人為響應環保，最近都自發性地轉用不鏽鋼飲管，自己飲管自己用，之不過想自己的不鏽鋼飲管更為耐用，勤加清洗保養也相當重要，否則見過以下這張網傳不鏽鋼飲管內部勁藏污垢圖後，或許會左右大家還想否使用不鏽鋼飲管，奉行環保原則的想法。
【精選消息】
【精選消息】
引起使用不鏽鋼飲管爭議
就是這張網傳不鏽鋼飲管勁藏污垢「絕望真相」圖，引發了不少網民對於是否使用不鏽鋼飲管的爭議。有些網民支持使用不鏽鋼飲管，是因為「一般配一支飲管專用嘅刷，係冇問題的，而且好平。就好似清理保暖水樽咁原理。」、「每次用完都洗應該冇咩問題，如果擔心的話仲有玻璃管可供選擇」。不過有些網民有感不鏽鋼飲管確實頗無衛生可言，因為「洗碗阿姐日洗過千百個碗，都唔會用心洗求 X 其算數，更何況係飲管？！」所以帶出了「邊個咁有心機幫你支支洗？」的疑問。
直接跟飲管說不
其實一眾網民討論之中，最有意思的說法反而是，飲管並非必需品，從源頭出發地跟飲管說不，比使用不鏽鋼飲管更合乎環保大前提。有網民稱「唔用飲管」、「直接用口飲」之外，也有網民認為飲水及點無冰凍飲，就不用再另取飲管飲用。只不過，在現今酷熱天氣下，又有多少人能做到不喝凍飲、自備飲管，又或者跟餐廳職員提出「走飲管」要求而已。
精選網民留言：
撐用不鏽鋼飲管
- 其實一般配一支飲管專用嘅刷，係冇問題的，而且好平。就好似清理保暖水樽咁原理。
- 每次用完都洗應該冇咩問題，如果擔心的話仲有玻璃管可供選擇
質疑不鏽鋼飲管衛生程度
- 餐廳唔會清潔咁足，我估最多搵水沖下佢就算...
- 邊個咁有心機幫你支支洗
- 洗碗阿姐日洗過千百個碗，都唔會用心洗求 X 其算數，更何況係飲管？！
跟飲管說不
- 索性唔用！根本以前都冇飲筒！
- 我寧願唔用飲管...就咁飲...
- 直接用口飲
Source: 爆笑貼圖區 Facebook