電動車在市場愈來愈多，除 Tesla 之外，VW 福士、Renualt 雷諾、Nissan 日產、BMW 寶馬等大廠，都先後引進電動私家車，如果作為「搵食車」的話，主要就是日產 e-NV200，售價由 $419,800 起。不過，近日就有款激似豐田 Hiace 的電動貨 Van 在二手車群組出售，號稱半價只需 $210,000 左右！
據了解這款國產 Van 是揚州九龍汽車出品，型號為 E-Van，採用純電動設計，原車價為 $420,000，但賣家指可申請環保署綠色基金，車價可獲 50% 資助。此車的外形激似豐田 Hiace，賣家更指「除了用電外，其他同 Hiace 一樣。」
【相關報道】
此車車身尺寸為 4,840 x 1,880 x 1,980mm，據稱續航力可達 350km，並可使用政府停車場及中電旗下的充電站免費充電。至於充電時間方面，快充可在 2.5 小時充滿電池，慢充則需 12 小時，並可用家用電源充電，聲稱行駛成本只需 $0.2/KM。小編將消息相告駕駛貨 Van 搵食的朋友阿 Ken，阿 Ken 指：「搵食車最緊要耐用，而家柴油車都只是幾毫子一公里，仲要唔知呢部嘢耐唔耐操 (耐用)，我就覺得唔係好吸引喇！」
【相關報道】
Source : 全港二手車群組