行政主任，月薪 HK$18k，對於 fresh grad 來說，你認為值得做嗎？網民 102 日前在 LIHKG 討論區發帖，題為「FG 有 offer 但畀屋企人鬧份工冇前途」。102 自爆是個應屆大學畢業女生，畢業於 HKU 的 BA 學系；她透露獲一間上市公司聘用為行政主任，月薪 HK$18k，另有 weekend 私補合共 HK$23k，打算儲錢幾年後與男友「上車」。可是，家人反對她做行政主任，認為行政主任是打雜冇前途，寧願搵「份工學得多嘢，就算 12k 都應該照做」。
打雜工學唔到嘢？
樓主在帖子表示：「前幾日有間上市公司畀咗個 offer，做 administrative officer，18k 13 個月糧。考慮緊做唔做，不過屋企人一聽到就鬧到飛起，話依份係打雜工，冇前途，FG 做嘢應該係為學嘢而唔係為份糧，只要份工學得多嘢，就算 12k 都應該照做，過多幾年就可以轉工一直向上升，到時自然月入幾萬咁喎。」
【精選消息】
儲錢與男友上車
樓主慨嘆：「唉，講真，非專科畢業一入職仲想點姐？依家個 offer 再加 weekend 私補都有 23k，算係咁啦，儲多幾年同男友都上到車。Btw 做 admin 真係冇前途咩......」
【精選消息】
幫屋企供樓
樓主最後脷伸伸：「利申：HKU BA grad；過多三四年開始要幫屋企供樓，家用 $5000。」
發帖僅 1 天，截稿前贏得 536 個正評，72 個負評。不少網民踴躍留言，發表意見。網民回應，節錄如下：
【精選消息】
- 你係男既話你屋企人講得岩，你係女既話老西都做依份啦，希望你明白我意思 好懶唔想打字
- 你屋企人識咁樣_你 證明你屋企人都係白領 上黎問 aco?（文字經過處理）
- FG 搵 20k+ 好勁架喇；利申：非三大乞食科FG, no offer
- 網民甲：「做 admin 不如考 EO」；網民乙：「一年有幾多人考到」；網民甲：「樓主 hku ba 有機掛點都」
- 唔係每個人都想入呢個仆街政府
- 正苦工係岩做過世，但份工咁樣真係乜人生意義都冇晒，雖然做 admin 都未必好有意義
- 想當年岩岩入 U 都雄心壯志想考 AO
- 試下無妨吖 HKU BA 語文點都唔太差掛
- 樓主 1st hon? 2nd up?
- 唔覺得個 offer 有問題，你仲要係女仔，除非你有咩特別因素要做專業工姐
Source：LIHKG討論區