如果馬鞍山是香港美食沙漠的話，那麼美食天堂的美譽，應該是雲集不同種類及價格食物的深水埗。不過，這次想跟大家分享的，不是深水埗食好西秘地，而是有網民出 post 討論「深水埗其實係咪香港貧民窟」。出 post 的樓主對於深水埗的感覺都頗為負面，表示：「去到有種好唔舒服嘅感覺，迫到 X 街， 啲人個身個個有種臭味，又多南亞人。嗰區犯罪率又高，冇咩事都唔好入去」，不知其他網民看完這個 post 後，對深水埗有哪些感覺呢？
【精選消息】
【精選消息】
當然，有不少網友認為深水埗確是龍蛇混雜的地方，「未係貧民窟，但係非常雜」、「以前多黑鬼依家多南亞佬」、「一朝早成條街都火車頭（編按：火車頭指邊走邊吸煙的人），由朝早番工到放工都係咁」、「通洲街公園出晒名最多老同（編按：老同即吸毒者）」，甚至有網民認為「南昌一帶是香港葛咸城」，沒特別事情都不要到相關區域。
有反對的意見，也就會有正面留言，有些網民盛讚深水埗位置便利，想吃平價美食、買平電子產品又有不少選擇，「想食嘢又得，行黃金又得」、「有最新最齊既電腦硬件，遊戲機，仲有鴨記」、「西九 food court 世界級窮 X 恩物。深水埗食平靚正嘢無其他地方可及，問題係要識路數」，另外又有網民認為「深水埗係窮，但我個人幾中意，係一個可以見盡人生百態嘅地方。」
說到治安方面，不熟悉深水埗的朋友，可能會覺得該區有南亞人聚集，感覺治安不太好，「好似罪惡化身咁」，不過有熟悉深水埗的朋友就留言表示：「荔枝角道以上已經好好多，再南其實都 ok，係得條醫局街海檀街衰啲，再落啲已經又再好啲，南昌站、學校區，再過四小龍都好正」，以及「其實黃金，西九龍，寶血醫院果一帶都好安全，生活咗幾十年，都唔覺雜」，但當然，有住深水埗的網友都覺得醫局街、海壇街、通州街一帶是頗多閒雜人等的，大家晚上到這一帶時，也應小心財物，多加提防。
同意深水埗龍蛇混雜：
- 未係貧民窟，但係非常雜
- 以前多黑鬼依家多南亞佬
- 一朝早成條街都火車頭，由朝早番工到放工都係咁
- 通洲街公園出晒名最多老同
- 南昌一帶是香港葛咸城
撐深水埗食位置便利、多平價美食：
- 想食嘢又得，行黃金又得
- 有最新最齊既電腦硬件，遊戲機，仲有鴨記
- 西九 food court 世界級窮 X 恩物。深水埗食平靚正嘢無其他地方可及，問題係要識路數
- 深水埗係窮，但我個人幾中意，係一個可以見盡人生百態嘅地方。
- 鴨記黃金福利，毒男最愛
Source: lihkg