今屆 2018 俄羅斯世界盃，除有意大利、荷蘭等話題強隊未能晉身世界盃決賽周 32 強外，當中亦有一隊話題大軍沒有現身今年世盃賽事，就是中國隊！雖然國足沒份在今屆世盃場上亮相，但不少中國球迷都一到俄羅斯感受現場氣氛。據國內傳媒報道指，中國足協也組織了俱樂部，以及相關部門考察團前往俄羅斯考察學習。至於中國足協副主席、中超公司董事長李毓毅早前在一個活動之中，對國足都抱以期望，更提到：「中國足球接下來的工作，就是 2022 年一定要讓中國男足出現在世界盃舞台。」並認為當中並非不可能的任務。
【精選消息】
【精選消息】
雖然李毓毅有這麼宏大的目標，但似乎不少網民對於報道所言，就表示不敢苟同。有網民直言：「基礎足球腐敗到 X 街，由校際同青訓比賽一大堆造假」、「用考察嚟做第一步，一開始已經錯晒啦。」又有網民認為「最先攪掂啲黑哨，其次一定搞青少年足球」，方能有資格再講更長遠的計劃。另有網民覺得國足發展在這些年來是追不上時代步伐，「搞左幾多年呀，人哋已經唔止入世界杯 32 強，實力都拉近晒，你仲停留喺假波、摸索，呢十幾年都唔知做乜 X」。
此外，有網民認為中國隊最大的問題，就是結構性問題，「冇團隊精神又好大善功，高層腐敗又貪心」、「打少啲假波，用少啲外援先再講啦」，如果不解決內部問題的話，怎會踢到好比賽呢？不過在這個 post 中，有一個留言都頗到位的，就是「做主辦國咪一定有得踢」，那就可以讓國足名正言順地現身世界盃吧！
精選網民留言：
- 基礎足球腐敗到 X 街，由校際同青訓比賽一大堆造假
- 用考察嚟做第一步，一開始已經錯晒啦。最先攪掂啲黑哨，其次一定搞青少年足球
- 搞左幾多年呀，人哋已經唔止入世界杯 32 強，實力都拉近晒，你仲停留係假波、摸索，呢十幾年都唔知做乜 X
- 冇團隊精神又好大善功，高層腐敗又貪心
- 打少啲假波，用少啲外援先再講啦
- 好心一早申請做主辦國
- 中國足球唔成功係基於民族問題
- 呢隊中國對香港都未必十拿九穩贏，何況對日韓澳沙地伊朗卡塔爾呢班
- 其實無咩難度，強國成日話佢哋大把錢，爭在佢哋根本無心搞姐，放任強國足球隊自己圍內貪污，邊有進步
- 唔好講 2022 啦，2122 都唔知掂未，13 億人都無個踢波叻
