隨着世界盃 32 強分組賽賽事即將完結，留待 G 組、H 組完成所有比賽後，16 強的名單就會全數確定。因此有網民出 post 討論，如果 在香港時間今晚（6 月 28 日）舉行的 G 組分組賽最後一輪賽事之中，比利時留力對戰英格蘭，以次名出線的話，那麼比利時這隊「歐洲紅魔」就可以走下線，「相對輕鬆」地繼續世盃之旅之外，更有機會晉身世界盃決賽！
【精選消息】
【精選消息】
樓主之所以這樣說，是因為觀望現時分組賽 A 至 F 組的出線名單中，上線是雲集巴西、法國、葡萄牙等足球勁旅，出線之路是比只有西班牙、俄羅斯、克羅地亞等國家隊的下線艱辛得多，因此樓主覺得比利時肯以次名出線走下線的話，「唔係講笑好有機會入決賽」，最少比利時對西班牙、克羅地亞的話，會比巴西、法國易於應付。
網民支持比利時走線的原因，是因為比利時喜歡打反擊的風格，「上線對巴西法國的確會攬炒」；另外有網民認為「有得走線點解唔走？前年阿朗點解贏？走到條靚線都係贏冠軍一個重要因素」，並稱「唔係要專登輸波，學法國咁猜到完場已經夠」、「睇真啲都幾關鍵，次名晉級避晒巴西、法國，要到 4 強先有硬嘢」，整個世盃之旅都會 easy 得多。
因此網民結論是，比利時可以在這場對英格蘭的分組賽中，「出下新仔，未踢過果啲擺正選踢吓，養下生唔好傷，做出面應該唔會啦，借啲意整個十二碼比對面都仲有可能」，又或者「回傳俾龍門，龍門踢空氣已經搞掂」。
網民有 Say：
- 今日波台最有建設性嘅一個post
- 上線對巴西法國的確會攬炒
- 有得走線點解唔走？前年阿朗點解贏？走到條靚線都係贏冠軍一個重要因素。唔係要專登輸波，學法國咁猜到完場已經夠
- 睇真啲都幾關鍵，次名晉級避晒巴西、法國，要到 4 強先有硬嘢
- 回傳俾龍門，龍門踢空氣已經搞掂
- 出下新仔，未踢過果啲擺正選踢吓，養下生唔好傷，做出面應該唔會啦，借啲意整個十二碼比對面都仲有可能
- 下線克羅地亞仲惡過西班牙，當然都仲好踢過上線咁多隊。根本嗰邊先係世界盃
- 比起巴西法國，我覺得中途要打烏拉圭先最攞命
- 我同意走線可能會好打啲。但你唔好先入為主覺得比利時要避。好似克羅地亞同巴西，你要避邊隊？
- 巴西想走線都走唔到
Source: lihkg