買車買樓，人同此心，喜歡壓價。網民 CBB1128 日前在香港討論區發帖，題為「港人買 2 手車真係好奇怪……」，分享放車經歷。樓主稱，私放 0 手 5 年車，知道「粗咪」於是以市價 1/3 放售，豈料遭準買家大幅壓價。樓主又指車行略花成本執靚部車，就可以市價出售。樓主慨嘆：「賣家係鍾意甘樣比人呃先安樂。」
樓主在帖子表示：「私放車 0 手 5 年車，日日揸自問錫車，返廠保養，部車都算新淨，但行左 9 萬公里，自知粗咪已經放平市價 1/3，個個賣家都話嫌粗咪大幅壓價，又嫌車頭石仔花痕，心諗已經賣平左啦……」。
【精選消息】
樓主嘲諷式頓悟：「吾怪得 d 人要放比車行，車行用小小錢潑下咪，噴返油，同部車化下妝打個蠟又可以照市價放返出去。賣家就係鐘意甘樣比人呃先安樂，吹漲」。
網民：「放比車行算啦」
帖子吸引不少車迷留言，踴躍討論；異口同聲撐樓主，也分享自己的賣車經歷。網民回應，節錄如下：
【精選消息】
放車技巧
- 放比車行：始終佢地信車行多過信私人買賣 我都覺得類 所以賣車放比車行算啦
- （還價 + 開價）/2：啲友傾價好_單純覺得，成日還個離晒罩嘅價，其實佢心中價係 “(還價 + 開價) /2"，以為賣家一定好純情同佢玩：你還一口佢還一口到最後就會傾到佢心中口價。因時制宜啦，見到好似樓主咁開一個 “合理筍價"，就要知無乜還價空間，啱心水就快舔。見到筍價仲要傾，只要賣家係知市況嘅，根本唔願意傾，直接唔 7 理嗰啲儍仔。（文字經過處理）
- 直接 next：個 D 無厘頭 L，我一般佢壓我就直接 next, 費事煩
- 跟市價賣：我會建議你跟市價去賣，買家押價先減 1/3。 咁樣你反而會賣得出。 個價低好多時賣唔出。
- trade-in 價：我通常都廢事煩，換新車，問埋 trade-in 價，再係 Facebook 度 用 trade-in 價 放比 friend ，講明要就攞, 唔要就 deadline 比車行。
- 一條龍：樓主無謂激心，我換車順便叫 sales trade in，叫佢一條龍自己揸走兼留牌。係比市場價低咗一截，但唔使應酬班運吉買家，蝕油錢事少蝕時間事大。
【精選消息】
其他意見
- 其實 0 手 5 年車得番 1/3 价 （我估有 1x 万？） 除非你有免費停車場可以放番一年半載。 買家好清楚車行收得好低， 而你放停車場係 4 千蚊一個月 ， 你放幾個月條數都係番度。另外 9 万， 真係幾多， 通常 10 万要好多野換，d 人會好 alert
- 無論你開幾低價,D 人總有壓價理由,好似唔壓價唔安樂咁，而壓價咩理由都有....試多幾次私賣可以見識下咩人都有，唔係唔比你講價,但有時一劈就重手咁落
- 好多人以為買緊陳列車
- 平市價 1/3 都咁難賣? 你個市價係用車行價呀? 會唔會根本只值收車價呢
- 5 年 9 萬公里都算多？一年唔夠兩萬喎。我自己一定接受到，因為車係要嚟用，唔係要嚟擺。藝術品先係用嚟觀賞。
- 現在好多買家都用驗車黎壓價，驗完車就話邊啲要換，逐樣減價。佢地只接受車價折舊，不過唔接受車輛折舊。試過同個買家講明驗完車無得講價，佢都係照講。
- 有時見到啲 4 年車 1 萬公里都無既車你仲驚。
- 香港人寧願見到假咪數，都唔會想買真咪車
Source：香港討論區