效力西甲強隊皇家馬德里 9 年的 C 朗拿度（Cristiano Ronaldo），雖然在今年世界盃不能帶領葡萄牙國家隊更進一步，但這不代表這位年屆 33 歲的頂尖前鋒的狀態下滑，沒有價值可言，只因皇馬已在昨日（7 月 10 日）發出官方聲明，提到 C 朗同意轉投意甲祖雲達斯，感謝 C 朗在這些年來助球會取得 4 屆歐聯冠軍等豐功偉績。而據外媒報道，C 朗轉投意甲祖雲達斯的 4 年轉會費用，更高達 £1.05 億英鎊（約 HK$10.94 億），比當年 C 朗由英超曼聯轉會到皇馬的 £8,000 萬英鎊（約 HK$8.33 億）費用，還要高出一截！
【精選消息】
【精選消息】
Fiat 分擔 C 朗部分薪金
C 朗天價由轉會皇馬轉到祖雲達斯的消息，不論體育界，以及網上世界都迅即成為熱話。據指 C 朗在祖雲達斯的年薪，除稅後會高達 £2,650 萬英鎊（約 HK$2.76 億），以周薪計就有約 £50 萬英鎊（約 HK$521 萬），由於祖雲達斯球會本身沒能力全數支付 C 朗的薪金，因此球會贊助商之一，汽車集團 Fiat 願意分擔 C 朗部分薪金。而繼 C 朗之前，Fiat 也有為祖雲達斯分擔部分阿根廷射手希古恩的薪金，當時希古恩從意甲拿玻里轉會的費用為 €9,000 萬歐元（約 HK$8.29 億）。
皇馬賺到笑？
對於 C 朗轉會祖雲達斯的消息，不少網民感到意外，「想當年嘅鐵算盤祖雲達斯，而家出手咁豪嘅」、「33 歲仲可以賣 1 億兼簽 4 年約，真係痴線佬」、「皇馬用到牙朗盡，都仲可以賺錢離場」、「而家諗返當時買佢 80m 真係平到一個點....」，甚至有網民認為「身為意甲 fans 真係冇諗過會見到仲有球壇頂級球員踢意甲」！
C 朗繼續刷數據？
此外，網民談論 C 朗轉會祖雲達斯事件，不只講及這位頂級球星是否物超所值，也分析事件帶來的影響，如「祖記波衫實炒貴」、「皇馬今次收得皮」、「意甲下遊嗰啲球隊垃圾過西甲嗰啲，隨時刷好多數據」、「阿朗準備又多嗰西甲以外嘅聯賽冠軍嚟壓住美斯」。未知作為 C 朗迷的大家，會否同意以上網民的說法呢？
精選網民留言：
對轉會感意外
- 想當年嘅鐵算盤祖雲達斯，而家出手咁豪嘅
- 33 歲仲可以賣 1 億兼簽 4 年約，真係痴線佬
- 皇馬用到牙朗盡，都仲可以賺錢離場
- 意甲已經好耐冇天王巨星加盟啦，嚟親都係其他大球會唔要既剩餘物資
- 皇馬會後悔用泥碼（尼馬）取代佢
談 C 朗轉會的影響
- 擺到明係有心想振興意甲吸引多啲觀眾睇
- 祖記波衫實炒貴
- 皇馬今次收得皮
- 意甲下游嗰啲球隊垃圾過西甲嗰啲，隨時刷好多數據
- 阿朗準備又多嗰西甲以外嘅聯賽冠軍嚟壓住美斯
Source: Real Madrid, hkgolden