馬路上每天都有各式各樣的紛爭，而拍下來放上網總數會變成網絡罵戰。然而今次就比較特別，因爲就算樓主多次修改並不停解釋，依然被網民一面倒地責駡並叫她知錯收手。這一切，源於樓主站在路邊車位等車，然而有司機想泊車樓主卻怒罵對方不講「借借」。
事緣有女網民在 Facebook 群組「巴打絲打 Facebook Club」出帖，表示自己站在行人路上等緊車，由於路邊車位已泊了不少車，因高度問題樓主無法看到自己等待的汽車，於是就站出馬路上看車牌。剛好，樓主站的位置是泊車位。突然，樓主發現有車向自己方向倒車，打算泊進樓主站著的泊車位，察覺時她跟汽車相距只有半米。於是樓主開始抱怨，認爲對方應先講聲「借借、唔好意思」，並不是「有車就大曬」、「開到聲，我實讓」。
樓主繼續回憶，說自己打算「係佢車頭道行返出馬路睇車」，結果該汽車「係我打算行個下即刻將架車向前渣」，於是認爲該車司機「冇禮貌」、「係唔係撞倒人先滿意？」樓主還貼出了司機的背影以及自己畫的街景平面圖，希望得到網民支持。然而帖文一出，就立刻引來網民就一面倒地撐司機罵樓主，並利用街景平面圖指出樓主根本不需要站出馬路，除了車位還有很多位置可以站。於是樓主一改再改，首先刪除了街景平面圖，然後就重寫了整段文字，表示「原來倒車可以唔理後面有人企」，並放上《道路使用者守則》的節錄，指出「駕駛者在倒車時必須特別留神」。
【熱門報道】
【熱門報道】
【熱門報道】
結果依然不如樓主預料，網民依然一面倒地撐司機罵樓主，指出「人肉霸車位？」、「馬路係比車行架」、「唔好害人啦」、「自己企出馬路仲惡人先告狀」、「條街咁多位你企嗰道，邊架車睇到你」、「人企馬路仲要人講唔該借借」、「要呠先睇到車，仲敢行出馬路」、「世界唔係圍住你轉架」、「人地都冇撞到你嘈乜嘈」；更有網民精辟比喻，說「入男廁見到有個女人企係度，我走去除褲屙尿，跟住女人大叫話我除褲前點解唔通知佢一聲，嚇親佢？」
然而樓主戰鬥力好強，由出帖到現在都不停有回應網民留言，並強調自己「無話過唔可以倒車/泊車；企出馬路等無犯法；阻到人但唔代表司機岩」等等，又強調「如果明知有人仲倒車係妄顧安全」。不知道大家又撐哪一方呢？
Source：巴打絲打 Facebook Club