大陸上網卡選擇多，大部分都用中國移動或者中國聯通 4G 網絡。有啲讀者話中國聯通網速快，亦有啲話中國移動覆蓋好，事實上每個網絡商都有優缺、覆蓋會有盲點。既然係咁，小記今次介紹呢 2 款雙網絡 SIM 卡，大家打和 SUPER！
AIS Sim2fly ASIA 新增中國漫遊
首先介紹的是 AIS Sim2fly ASIA，「鴨記」賣約 HK$85。呢款卡在 2016 年底出現，由泰國電訊商 AIS 推出，適用於亞太區內十多個國家及地區。插卡啟用起計可連續使用 192 小時，超出 4GB 數據流量後，繼續以 128kbps 提供限速數據任用，係近年去日本、南韓的高質抵玩選擇。
近日，呢款卡新增中國漫遊的支援，並支援使用中國聯通及中國移動 4G 網絡。它在大陸使用的數據，會經泰國 AIS 伺服器傳輸，免翻牆上 Facebook / IG 同埋用 WhatsApp 等。
【相關消息】CMHK 新推大陸 8GB「年卡」！抵價開售撼 3HK
【相關消息】聯通全中國版 4G 上網卡升級！8 日無限數據免翻牆玩 Facebook
旅遊 Club SIM 再劈價
另一款係 HKT 推出的 Club SIM，大陸上網每日 HK$15，計法都係插卡起可用 24 小時，每日用超過 500MB 後，可繼續以 256kbps 限速任用上網。它同樣可用中國聯通及中國移動 4G 網絡，在大陸使用數據會經香港 csl. 伺服器傳輸，當然上 Facebook / IG、用 WhatsApp 等都可免翻牆。
未有 Club SIM 的用戶，更可去便利店買「旅遊 Club SIM」，最近減價至 HK$78。它包 4 日區域 A （中國）及區域 B（澳洲、柬埔寨、印度、印尼、日本、馬來西亞、新西蘭、菲律賓、新加坡、南韓、台灣、泰國） 通行證，用戶可選擇連續、或分開使用，只要在 90 日內用完便可。如果登記做 The Club 會員並首次登記 Club SIM，就會送多 2 日區域 A 及區域 B 通行證，除返每日低至 HK$13。
Source：ezone.hk