影印跟 Fax 文件雖然只是簡單工作，然而計算各項營運成本，其實幾蚊一張已經不算貴。元朗一家文具小店就做 Fax $4 一張，相比起便利店的 $10 一張已經是實惠。然而，近日有元朗女網民就因爲不熟識收費兼溝通錯誤，誤以爲 $4 就可以印「一份」文件，而他指的「一份」是有「11 張紙」的。最終，文具店當然按 $4 一張收費，但該名女子就認為收費不公，惱羞成怒想報警，事後更於網上公審！
事緣，有網民在 Facebook 專頁「元朗吹水區」出帖，表示去了一間「黑店」。她想到文具店 Fax 11 張文件，問店家説是「$4 一份」、「不限紙張」。然而店家所說的「不限紙張」應該指 Fax 多少張都可以，只要肯俾錢。然而樓主就竟然以爲是「$4 Fax 放題」無限任 Fax。
最後的總收費是 $44（$4 x 11），樓主就傻了立刻跟店家理論，但被反駁說「你咪傻啦！一份係一張」。樓主更表示職員「整唔見我一張文件」，並指出自己可以報警。最後樓主指出「$44 我唔係俾唔起」，並反嘲「咁做生意法一定有人幫襯！」。
【熱門報道】
【熱門報道】
【熱門報道】
結果，就當然一面倒地被網民嘲笑。不少網民留言說「冇常識」、「$4 想傳真放題貪心到啊」、「想創你個心啦」、「文具鋪十幾年前 Fax 都要 $3 一張」、「食米唔知價啊」、「第一次去 Fax？定冇左個腦？」、「4蚊 Fax 放題你開鋪呀？」、「請唔好話自己係香港人」有網民笑說「$4 放題識玩一定 Fax 聖經、字典」、「新約舊約一齊 Fax」、「西客嚟講，佢係無知貪婪型」。
可能知道自己理虧，樓主很快就關閉了帖文留言功能。但該帖很快就被轉傳到其他群組，甚至有網民曲線地寫了一篇潮文來嘲笑樓主，真是抽水抽到太平洋都乾。其實誤會時常都有，但沒有搞清楚就在網上公審，出事的可能是自己呢。
Source：PLAY HARD 玩硬、元朗吹水區