正所謂「男人愛高達，女人唔明白」，女性伴侶真的不可跟高達並存？日前，在連登討論區感情台，有絲打發帖表示，早前男友向她求婚，雖然她答應了，但亦要求男友清晒所有高達，並強調這是男友自願，自己亦賣掉手袋。此帖發布後，雖然獲得部份女網民支持，但仍有大量負評，不少巴打都批評該絲打的要求。
日前，有絲打發帖表示：「首先必需講清楚，清模型係佢自願。佢擺左成 4 大櫃都係 d 高達（無錯！係放滿兩個大櫃），有 d 自己噴油有 d 叫人砌，前幾日佢同我求婚我答應咗佢，但要佢清晒 d 高達同唔再買，因為以前我地成日因為呢 d 玩具無聊嘢嗌交，我哋係傾好咗我唔買袋佢唔買高達，我都已經賣晒我 d 袋！之後佢話要 4 櫃全賣比某個宅男 fd，開人 25 萬連大櫃，但 d fd 唔接，呢架開到 15 萬仲同朋友傾緊，佢話一定要放比熟人好好『照顧』d 玩具。我想問有咩辧法叫佢拿拿臨掉晒佢？見到眼怨！」
【網絡熱話】
【玩具模型】
也許連登的男網民較多，所以不少人都批評這位絲打的做法：「如果女朋友有得賣，我會賣埋你，廢事眼冤」、「老老實實，高達既意義大過手袋好多，不公平」、「分手啦，男人童心無得放棄架」、「未結婚都要迫男友清呢樣清嗰樣，結咗婚仲得了……，遲早都會鬧交離婚」等。
不過也有女網民力撐絲打：「趁佢返工就將啲垃圾掉晒佢，佢開十五萬賣垃圾，你覺得有冇人買？擺明耍你啦。如果佢發老脾，你同佢講而家你重要啲定啲垃圾重要啲？如果佢話啲垃圾重要啲，咁嫁唔嫁佢都罷啦。」
Source：lihkg