暑假熱辣辣，入戲院嘆冷氣，睇電影，本來快活過神仙。豈料全院都是小朋友，無間喧嘩，你會抓狂嗎？網民「一蕉得痔」日前在 LIHKG 討論區發帖，題為「暑假入戲院係災難」。樓主剖白近日入戲院睇《超人特攻隊 2》，豈料戲院來了很多小朋友，幾乎全院都是小朋友，由電影開場嘈到完場；離開戲院又不會自行清理垃圾，樓主非常不滿，爆粗發帖，宣示主權。
「大大聲講嘢」
樓主在帖子開首就粗言表達不滿：「_你老母！入到戲院全部都係細路，嘈_到_街！開場嘈_到完場，當正自己屋企咁！睇你就睇啦，係要大大聲講嘢同_叫嘅！」（文字經過處理）
【精選消息】
「大人同細路癲」
他認為責任在家長：「d 細路唔識規矩都算，d 大人夠膽死同 d 細路癲，喺到同自己 d 小朋友傾計，講劇情，而唔係教佢要靜，尊重其他睇緊戲既人。喂！要傾就買碟返屋企睇 /上網 down 嚟睇啦！片頭首 all we know 都講左唔好騷擾人，係咪咁難明？」
「垃圾擺喺位」
樓主續稱：「到完場食完 d 爆谷汽水又就咁擺喺位，人地有垃圾桶喺門口，行兩步拎去掉真係咁難？而家 d 老豆老母真係唔_識教仔！」（文字經過處理）
【精選消息】
樓主在深宵發帖。僅數小時，截稿前，帖子已贏得 407 個正評，7 個負評。不少網民認同樓主的看法，認為入戲院觀賞電影，應該安靜；也有打算入戲院睇戲的網民，被樓主的遭遇嚇怕，擔心將會落得相同「下場」。
網民：「個 d 細路其實係佢地老豆老母為咗慳幾十蚊而産生出嚟嘅副産品。」樓主：「唔好帶去戲院話比人知自己唔識教仔呀大佬。」網民：「佢就係驚人話佢唔教仔呀…所以咪帶出街響咁多人面前大大聲教囉。」
網民：「超人特攻隊出事？」樓主：「係！我真係_曬佢地全家！」（文字經過處理）有網民哭訴：「我都想聽日睇 不過怕出事！」樓主安撫：「去 d 少人 d 既以前星影滙同圓方都 ok 而家唔知了。」
另有網民坦言：「一時嘈我都接受到 但係如果好似你講咁 全場都……」樓主：「全場都係細路！未開場已經預想到會點！點知真係嘈到_街，可能午夜場會好 d。」（文字經過處理）
【精選消息】
其它網民留言，節錄如下：
- 我完全想像到一有啲超能力出現就成班好似睇煙花咁大叫‘哇！’
- 想睇呢套，諗緊睇咩場先會少細路
- 成班都唔知點阻止 隔離都或者阻止到（樓主：「係隔離都阻止唔到。我叫佢可唔可以靜 d 個老母噓左個細路。過左無耐……又嘈」）
- 啱啱睇完。前面一男一女，條女 catgirl 咁款，趁黑哂嗰陣係咁嘴，咁都俾我見到呢一刻。隔離就 2 男 2 女，樣似啱啱考完 dse,由未開始播廣告嘈到套戲開始。（樓主：「成年人講唔聽咩？我諗得香港人睇戲咁冇質素。」）
- 我諗住早場 搏佢地未起身
- 做過戲院表示九點同十一點場係最多小朋友
- D 老母最叻話自己小朋友唔輪到你教。忍唔住_柒個老母"就係你教唔好先影響到我，咁我有資格出聲未呀，唔識教就咪學人生啦"（文字經過處理）
- 冇去戲院睇好奈 係屋企睇仲正
Source：LIHKG討論區