年輕人做地盤，除了係「窮」，或者「x 你個 x」驅使之外，原來真係有人是責任驅使的。網民 Alexander Chan 日前在面書群組「巴打絲打 Facebook Club」發帖，附上一張圖片，並在帖子表示：「好似唔錯！」小記不解，有咩唔錯呀？遂仔細目測圖片，原來是一篇關於女子地盤實習生的報道。
係愛呀工友
該篇報道刊載於 2018 年 7 月出版的第三期《建築人建築事》，大字標題「美少女報到！做地盤係責任呀」。只見一個戴著地盤安全帽的「美少女」，做出心形手勢，唔係 friend zone，係愛呀工友！
鋼琴演奏級
報道指，這位擁有鋼琴演奏級資格的 21 歲「美少女」叫 Wingbi，是就讀於香港理工大學環境及職業安全與健康課程三年級的學生，這個夏天來到「寶嘉建築」地盤當安全實習生。
【精選消息】
不乏負評
報道大讚 Wingbi 好有愛、又有仙氣，網民又點睇？觀乎網民意見，唔是全部暈得陣陣啊，兼且不乏負評，即 check！
「平均一年死兩件」
對於 Wingbi 踩入「寶嘉建築」地盤做實習生，唔係個個網民讚好。有網民驚爆：「寶嘉都有安全既咩 平均一年緊死一兩件 就係成日請埋呢啲讀書既 唉！」、「佢做安全主任，死得人多 lo。」Wingbi 做地盤係為責任？有網民不屑：「責任就係地盤慰安」、「拍 av 去地盤攞景啫。」
有網民直指：「都估到係安全妹；一係 QS,一係環保,一係安全，好少會做前線」。
【精選消息】
「點解化濃妝無溶」
另有網民疑似吃了葡萄：「點解頂賵甘高嫁？set 左頭頂住帶吾落？點解頂賵設計上特別？調轉設計？點解化濃妝 set 曲髮都無溶呀，每十分鐘補妝一次？」、「鋼琴 Diploma 又如何, 周街都係」。
「影相打咭上報紙」
有網民突破盲腸：「年輕人，到底係咩驅使你後生細女，鋼琴演奏級都走來做地盤，到底係愛呀？定係責任呀？係影相打咭同上報紙呀 DLGH！」
【精選消息】
網民：「有 d 似游蕙禎」
截稿前，帖子贏得 307 個 emoji 心情、269 個回應、30 則分享。其它網民留言，摘錄如下：
- 去到全部都係仔同佬黎
- 唔好諗得太多，日日見你都捉你安全野，_硬都變拳頭硬（文字經過處理）
- 其實好多個地盤嘅安全部都有女仔做緊 至於靚唔靚女就各花入各眼了
- 話就話喺地盤做，但做得安全部嘅，男又好女又好，大多數都姐手姐腳啦，日曬雨淋咪擔姐行囉，點都算係一份舒服工吖
- 地盤 x fashion show，好睇過功夫 x 足球
- 都唔知係搵腸食定搵傻佬食, DLKH X_X
- 咁搞法 工程一定過期 啲地盤工人個個都好勤力返工 但係唔願做嘢 一定借頭借路跳晒草裙舞 明知冇機會都走去搏一搏 就係呢個心態 地盤始終都係地盤 唔適合請啲咁嫩口嘅靚女
Source：巴打絲打FacebookClub