是咁的。婆媳關係惡劣，夫妻關係又差，港女點樣算？網民「床下肉肉主角」日前在香港討論區發帖，題為「男家想同我爭層樓」。港女（樓主）在帖子詳述與男家的各種問題，已經去到「攬炒」搵律師搞離婚的地步。一切，源於港女有層私樓……
獨生港女繼承私樓
據了解，樓主是一名在職已婚港女，29 歲，月入萬幾。港女命運坎坷，老母老早跟佬走；老豆最近辭世，獨生港女繼承了老豆的一層三房私樓。
冇男丁 婆媳關係惡劣
港女與老公相識 10 年，老公比自己年長 6 歲，曾出軌 2 次。老公家住公屋，老公有父母與一弟，弟已婚並育有兩個兒子。重點是奶奶。港女驚爆與奶奶關係惡劣，奶奶迷信算命算到港女冇男丁；對育有一對兒子的叔仔及其妻寵愛有加。
【精選消息】
要求助養一對姪仔
奶奶知道港女繼承三房私樓後，竟建議與老爺一起搬遷進去；或要求港女把私樓讓出予叔仔一家。老公又甜言蜜語哄港女想加名字成為業主。更離譜的是的，奶奶要求港女助養叔仔的一對兒子，理由是「大家自己人」，唔使分得咁細。
港女表示：「老公又咁男家又咁，已經大壓力要食安眠藥，慢慢對老公心淡，反正無小朋友，真係好想離婚。」港女最近與男家飲茶又因事嘈交攪炒，老公居然唔幫港女幫奶奶，直斥港女「點可以咁同長輩講野」。港女氣得心碎揚言離婚，決定要搵律師朋友辦理離婚手續！
網民：「自己攞嚟」
港女自述的遭遇，儼如電影劇情般充滿張力，看到令人窒息。帖子吸引不少網民踴躍留言，議論紛紛；就連 LIHKG 討論區也有網民轉載，在網上瘋傳，齊齊討論港女的困境。
有網民不屑，不同情港女：「咁都唔離婚, 真係可憐之人必有可恨之處, 自己擺黎。」在攬炒之前，港女曾留言表示唔想離婚，皆因與老公已在一起 10 年。有網民膠都費事俾：「咁妳繼續接受比人 背叛 謀算 迫害 ......繼續活係悲劇裡面做主角 , 得閒上黎呻下點痛苦, 比花生大家食下。」
【精選消息】
自己坎坷自己救
有網民勸戒港女：「其實幫到你既人，只有你自己，好坦白講，由你 99 開聲個日你就知道，呢件事睇得出，你只系一件生財工具，你只要層樓比左你叔仔同你老公，你都可以搵定地方搬，你 BABA 留層樓比你，系想你有個地方住，5 使靠人地，如果你都比埋人既話…」
做女人要堅強
他續稱：「做女人一定要自己堅強啲，你如果一味靠人，你都系等比人害死;哩種老公要，你亦好清楚佢系咩事都 5 會幫你，只不過系叫做因為你有個錢，佢可以少奮鬥幾年，佢先簡你，正所謂好子不論爺田地，更何況層樓同男家系冇關係，至於分 5 分手，你真系好好諗清楚，話 5 定佢求其比分野你簽，你就咩都冇曬....」
【精選消息】
「寧教人打仔，莫教人分妻」似乎不適用於這次討論。網民推爆港女離婚，推倒重來，重過新生活。網民留言，節錄如下：
唔係爭 係明搶
- 唔係麻, 咁都忍到, 老公又唔企自己個面, 貼埋間屋比叔仔, 佢地有無病.
- 呢 d 唔係叫爭，因為根本佢地無份，係明搶。
- 你爸爸層樓關佢地咩事，擺明想搶你間屋
出軌都叫好男人？
- 你 99 好恐怖，層樓係你爸留比你，佢竟然諗住谋左佢。你老公出軌兩次都叫好男人？仲要唔幫口，由得佢阿媽迫你？快 d 離婚啦，不過小心你老公分你身家。
窮人為錢乜都做得出
- 最錯係條女 個男人住公屋咁低賤都嫁 窮人就係咁恐怖為左錢乜都做得出
- 好多公屋人真係窮到個人格本姓岀哂來
假如男女角色互換
- 如果男女角色互換，答案可能大不同
離婚
- 離婚 一定要 否則遲早被人毒死將層樓落格 私樓女一定有資格一定要揀私樓仔以上
- 得罪講句我有個女既話一定唔會俾公屋仔癡埋去佢度 唔係話咩 佢地既父母出生係個個年代連居屋都冇一定有問題 嫁左俾條公屋仔將來都唔會好過
- 早就應該開佢波 你忍左 10 年俾個叻你