做過大學生都知大學 canteen 有平價學生「頹飯」食，讓沒有經濟基礎的學生可飽餐一頓，而日本的大學飯堂也同樣有平價津貼飯食，最近更被港人拍片介紹如何入內購買，並放上 Facebook 公諸同好，殊不知卻惹來網民反感，直指其行為「好肉酸」。雖然原 post 已被 delete，但有網民已 backup 並放上「North District 北區」Facebook 群組，引來百多個留言。有網民發現，拍片一家人為本港親子界 KOL。
影片以「抵到爛搵食 $3.5 沙律 $28 定食 日本大學飯堂食好嘢」為題，教大家如何去由東京搭車去日本某大學，再走入大學 canteen 購買食券食飯，又表示十分抵食云云。之不過，網民們對此就唔多 buy，更直言「自己乞兒走入日本大學飯堂食津貼飯都唔止 .... 重要教大家去日本侵略大學飯堂」。
【精選消息】
【精選消息】
部分網民直指影衰哂香港人
部分網民也不值其行為，直言「好肉酸」、「影衰哂香港人」。其他網民亦留言「去人哋大學攞人福利食平飯...不如直接乞錢」、「去得日本旅行唔會去呢 d 地方啦」、「港蝗惡行比陸蝗不遑多讓，有些甚至有過之而無不及」、「咁嘅價位，食吉野家、松屋吧啦」。
此外，也有網民謂「人地大學生有平飯食係因為佢地交咗學費，一個遊客走入去食飯第一名不正言不順，第二好肉酸。唔好話咩歐洲都係咁樣，人地咁樣做唔代表咁做係恰當。」亦有網民表示「歸根究底多得 cctvb 嗰個二世女，日本旅遊節目介紹過大學食堂話好平好底，跟住呢班乞兒著有樣學樣！」另有網民用首爾某大學做例子，表示好多遊客入去打卡但唔識自重，嘈到人地上堂，甚至走入課室大樓，造成滋擾，最後令大學唔比外人入。
部分網民反擊無相大雅
之不過，也有網民覺得無相大雅，毋須太激動，表示「有可能個爸爸在日本讀書，回憶一吓呢」、「飯平，係因為大學膳食大部分免租，有好多免埋水電煤。日本大學入學率唔高，對於外來食客佢地應該冇咁反感。」、「咪係，其實冇咩問題？去到一些地方，尊重人地當地文化同守秩序已經得」，更有網民表示歐洲地區這樣好平常，無須大驚少怪。
另外，有網民謂本地的大學 canteen 也給普通人入內食飯，沒有問題，更引用城大、理工、中大等做例子，但亦隨即被網民反擊指理工、中大等的 canteen 有兩個價錢，沒有學生證的人會收正價。最後，有網民謂「佢窮加窮遊無問題，但宣傳就講唔過去。可能佢以外仲有好多人咁做，但寧比人知莫比人見嘛！」大家又認為如何呢？
【按此可睇片】
Source：North District 北區