星期二賣旗？網民「毒步天下」日前在 LIHKG 討論區發帖，題為「頭先打算用 $1 買旗，賣旗個呀婆話最少都要 $5...」樓主詳述自己的買旗經歷，指阿婆表示周身骨痛，樓主有個 $1 蚊，阿婆要求最低消費 $5，樓主最後冇買。然而有網民質疑，星期二根本沒有賣旗活動，由懷疑阿婆騙案，變成懷疑樓主作故呃 like。
星期二阿婆骨痛賣旗？
樓主在帖子表示：「頭先落街果陣見到個呀婆賣旗，跟住話自己周身骨痛，咁我咪諗住幫佢買支旗，點知散紙包得果兩個五毫子同一個一蚊，咁咪拎個一蚊出黎幫佢買。」
【精選消息】
最低消費 $5？
他續稱：「點知正想放落佢個袋果陣，佢突然拎開個袋，大約講左句『哎呀，後生仔，而家買旗起碼都要五蚊，一蚊好肉酸呀，唔收唔收，拎五蚊出黎啦』」 樓主瀟灑：「跟住我頭也不回地走左」。
網民對樓主自白的買旗經歷，反應熱烈。截稿前，帖子贏得 2264 個正評，46 個負評。
【精選消息】
支持：「呀婆，兩蚊搭車都好肉酸呀」
不少網民踴躍留言。有的支持樓主：「我捐夠 100 蚊，唱散哂做 1 蚊再掟_佢，嫌少呀啦」（文字經過處理）、「同佢講係比你既帛金黎, 唔係買」、「成日都覺得賣旗既呀婆都係呃錢多，有靚女學生先幫手買」、「呀婆，兩蚊搭車都好肉酸呀」、「答佢本身諗住唔洗你找，肉酸得過你個樣 ？找返 5 毫黎」。
不屑：「買旗都要比人坐地起價 食屎啦廢老」
有的狠批樓主：「買旗都要比人坐地起價 食屎啦廢老」、「支持 廢老唔_唔得」（文字經過處理）、「廢老係咁啦 自以為自己好巴閉 話一就一話二就二」。
質疑：「佢個袋寫幫邊間賣」
有的質疑星期二根本沒有賣旗活動：「今日星期二喎」、「星期二無旗買」、「星期三同星期六先有旗賣」、「唔係幫廢老 但唔多信係真」。網民問：「佢個袋寫幫邊間賣」，然而樓主表示「無留意」，即被網民狼批「無_用」（文字經過處理）。
【精選消息】
官網表示星期二冇賣旗
有網民表示：「回樓上班巴絲，今日係有賣旗，自己睇啦
https://www.gov.hk/tc/theme/fundraising/today/charitable.htm」可是小記翻查網頁資料，8 月 7 日只有一般慈善籌款及獎券活動，卻沒有賣旗。然而樓主在帖子清楚地描述自己的即日（星期二）買旗經歷，可信性難免令人懷疑，或者樓主遇上騙案。
網民：「幾時有得嘟」
有網民與小記一樣，好想知道：「幾時有得嘟」。另有網民分享買旗經歷：「試過買旗拎散銀出嚟 條八婆同我講有無廿蚊紙 我話無咪走 連散銀都唔_要仲要限我比幾多 痴_線 不過見佢個袋好多廿蚊 唔知係佢自己擺入去定香港人真係咁_蠢」（文字經過處理）、「琴日朝早返工輕鐵站見到有阿婆賣旗...仲要得佢一個賣 我頭也不回走左」。
其它網民留言，節錄如下：
- 細個覺得用 1 蚊買旗好姑寒 而家覺得啲慈善機構食屎啦 9 成落格先捐 1 成 食屎啦呀婆 放入旗袋係贊助個總理買跑車住靚樓咋
- 要買都只係會幫小朋友買 mou 低俾小朋友痴旗好 warm 的
- 樓主吹水大王
- 夠鐘食藥未？
- on_ 咩叫多多益善少少無拘呀？阿婆 你食_咗屎定依家賣旗有 commission 分呀？（文字經過處理）
- 咁你同佢講帛金 5 蚊夠比五個廢老架啦
- 大家冇遇過咩？西你面都有掛 就算唔係 $1 見你比得少都會黑口黑面
- _你老母 星期二賣咩_野旗 打手開 post 睇時間啦（文字經過處理）
- 長期輪椅車隊，阿婆膠箱陣嗰啲擺明搵笨_。佢地通常有個極簡陋嘅易拉架同得一張殘哂嘅單張，上網查下機構名就知有無真正提供服務。問佢係咪合法籌款佢就求其 show 張非牟利團體註冊出嚟扮哂嘢。全部都係消費社會同情心嘅_街。（文字經過處理）
- _你老母 作故仔屈阿婆做乜（文字經過處理）
Source：LIHKG討論區
Photo：經濟日報圖片庫（相片僅為配圖，與本文無關）