1 卡鑽戒，售價 HK$499，你會購買嗎？網民「筋膜炎患者」日前在 LIHKG 討論區發帖，題為「我女朋友同我講 499 有 1 卡鑽戒」。樓主指其女友在法國品牌 CO&Chic 的疑似「香港官網」發現網購優惠，1 卡鑽戒售價 HK$499，並指「佢打算係香港開分店先咁平咋」。樓主上網查證，懷疑女友中伏誤入「假官網」，正想向女友舉報，豈料女友神回：「吓...我比左錢 order 咗喇 點算呀?????」
註：記者向 co-chic.com 網站查詢關於 co-chic-hk.com 及該品牌在香港開分店的傳聞，惟截稿前對方未有回覆。
【精選消息】
樓主在帖子表示：「昨日我女朋友好興奮咁同我講上網見到有公司做優惠，1 卡鑽石戒指只係 $499 話好想買。我望一望 係 FB 一間叫 co&chic 的廣告。」
樓主記錄與女友的一段對話如下：
樓主：唔好買啦 呃人架
女友：唔係喎 呢間法國大公司黎架，你睇 click 入去頭像係去官網架冇呃人架，你當我傻架咩咁易比人呃。
樓主心想：「_！我都心知不妙佢根本唔聽我講野」（文字經過處理）
女友：佢打算係香港開分店先咁平咋。得 10 日咋！已經有千幾個人買咗喇！
樓主：你啲朋友都唔識呢間野 ,你想要遲啲儲錢去大舖買仲好啦。
女友：好啦好啦 (轉睇其他野)
【精選消息】
樓主「以防萬一，立即上網查下」。他稱：「首先個廣告 click 入去買係去 co-chic-hk.com 的地方，個法國官方網係 co-chic.com。一睇就知有問題。去 check 域名，大陸注冊。個假官網啲中文奇奇怪怪，鑽石個鑽字仲要係簡體，仲要間公司其實係主打網店，係香港開分店我真係笑到。」
樓主叻叻以為「今日講比女朋友知，等佢正式死心。點知........_佢老母」（文字經過處理）
女友：「吓...我比左錢 order 咗喇 點算呀 ?????」
樓主激到生蝦咁跳：「_你個街！點解啲女人可以咁_蠢」（文字經過處理）
【精選消息】
網民：「499 買玻璃碎都未必得」
樓主與女友的一段趣致對話，網民紛紛讚好！截稿前，帖子贏得 1,782 個正評，10 個負評。網民表示：「你都識講女人啦 唔蠢就新聞啦」、「女人蠢你都要問點解 應份。」、「唔蠢邊有得你_呀（文字經過處理）」、「499 咪當買個教訓囉 最驚係變本加厲」、「499 買玻璃碎都未必得」、「後面加多兩個 9 都唔夠買一卡」。
「有一款係 599 2 卡呀」
有網民戲言：「仲好啦，第時想求婚嘅話名正言順買呢間。買多幾卡都仲得。」有網民在「假官網」大發現：「樓主女友真係幾蠢 有一款係 599 2 卡呀」。
有網民遭遇略同：「我女友都試過 比我插到飛起」。
「30 日內有得退款」
樓主表示：「佢現在係咁話 "30 日內有得退款!唔驚啦" 我真係廢_事睬佢。」（文字經過處理）
Source：LIHKG 討論區, co-chic-hk.com