大家平時在家吃剩的飯餸會如何處理呢？稍早前在連登討論區吹水台，便有巴打劣評自己母親衛生常識非常差，經常沒有妥善處理好吃剩的食物，並拍下相片列舉多個例子，包括吃剩的薄餅求其用扇蓋着、雪櫃內的餸菜一個疊一個兼不用保鮮紙、電飯煲只浸水又不洗發出酸臭味等。帖子發布以後，不少人都有共鳴，原來許多阿媽都有類似的習慣。
早前有巴打發帖，問：「有冇人呀媽衛生常識差到＿街？」，並立即舉出多個子，第一張相片只是一把扇，蓋着吃剩的薄餅。「唔知好嬲定好食，把扇直接掂到啲野食，整污糟啲野食之餘，食物啲油又整污糟把扇。」第二個例子則是雪櫃餸疊餸，「成日直接疊住啲野食，又唔用保鮮紙，碟底掂完枱面又掂下面嘅食物」。
【網絡熱話】
【生活情報】
第三個例子則是電飯煲，「最忟係呢樣，有時煮完飯會浸水 (易洗啲)，然後放返落電飯煲蓋，幾日唔洗，幾日後我打開電飯煲發現有陣酸臭味。」而最近一個例子還有：「今日新招式，話說我話完佢，話屋企有曱甴，唔好再就咁放食物係枱面，要包保鮮紙……。我估佢懶，就直接將半個橙向下放。」
網民看到帖子後，幾乎一致「好評」，留言包括：「你阿媽咁似 d 00 後」、「一路睇一路笑」、「極品老母」、「仲衰 / 懶過麻甩佬」、「養樓主你咁多年都唔出事算好嘢」、「好勁，應該後生係 mk 妹嚟」、「伯母一定好靚，世伯先可以忍咁耐」。
另外亦有不少人有類似情況：「入嚟想話家母都係咁，入嚟睇兩睇又覺得唔係咁差」、「地拖塞入馬桶一齊洗，話一次過洗晒，所以叫佢咪拎枝地拖拖我間房，自己買過枝自己用算」、「原來家母唔係唯一，講極都唔聽，樓主 post 嘅，家母除咗中曬之外，仲有好多。有咩方法可以解決？仲有極多既雜物，好多放到有蟲既食物過期既產品，以年嚟計」、「嘩我死鬼阿媽又係咁上下，我成日同佢講啲碗等我洗，唔係因為我孝順，而係佢洗得好求其」等。
Source：lihkg