去日本唔一定要花好多錢，ezone.hk 之前都介紹過免費日本 4G SIM 卡、免費搭日本的士等。今次介紹嘅新著數，係送你免費東京成田機場至東京市區嘅高速巴士乘車券！
大家只要上 FUN! JAPAN 網站登記成為日本航空（JAL）個人制飛行儲蓄計劃會員，即可收到由日本航空寄出的會員卡，並附有 1 張東京成田機場往／返東京站嘅高速巴士乘車券，價值 1,000 日圓。ezone.hk 記者於 7 月初登記，約 3 個星期便以平郵方式收到會員卡及乘車券，費用全免。
【精選消息】日本機場免費派上網 SIM 卡！由東京擴展至岡山
【精選消息】全日本通用！《JapanTaxi》免費搭的士咁筍？
該乘車券適用於兩間巴士公司，分別為東京 Shuttle 及 The Access 成田。乘車券為不記名，小記收到的乘車券有效期至 2019 年 9 月 30 日。但要留意的是，若要乘搭深夜大約 1:00am 至 5:00am 的班次，則需要 2 張乘車券才可，大家或可考慮為非同行的家人登記成為會員。【按此登記】
Source：ezone.hk、FUN! JAPAN